რა როლი აქვს D ვიტამინს და რამდენად მნიშვნელოვანია ის ადამიანისთვის – ის ხელს უწყობს ორგანიზმს, იფუნქციონიროს გამართულად. D ვიტამინი ცხიმში ხსნადი ვიტამინია და გავლენას შემდეგი მიმართულებებით ახდენს:
იმუნური სისტემა;
ნაწლავიდან კალციუმის, მაგნიუმის, თუთიის, ფოსფატისა და რკინის შეწოვა;
ძვალ-სახსროვანი სისტემის გამართულ მუშაობა;
ნერვული სისტემის ნორმალური ფუნქციონირება.
D ვიტამინის ნაკლებობა, უმეტესად, ბავშვებისთვისაა დამახასიათებელი. მისი ნაკლებობა ბავშვებში განაპირობებს დაზიანებულ ძვლებს, რაქიტს.
არსებობს სხვადასხვა მეთოდი, რითაც აღნიშნულ ვიტამინს ვიღებთ. მათ შორის, საზოგადოებისთვის ყველაზე კარგად ცნობილი და გამოცდილი მეთოდია მზის ულტრაიისფერი გამოსხივება. აუცილებელია, ვიცოდეთ. როგორ ვისარგებლოთ აღნიშნული რესურსით სწორად – საჭიროა კვირაში სამჯერ, მხოლოდ 15 წუთის მანძილზე მოგვხვდეს კანზე მზის პირდაპირი სხივები. სხვა შემთხვევაში, შედეგი გამორიცხულია, გარდა ამისა, უდიდესი მნიშვნელობა აქვს, D ვიტამინის ნაკლებობის შესავსებად, ვაკონტროლოთ ისეთი მოცემულობა, როგორიცაა კვება: ასეთ შემთხვევაში, მარგებელია კვერცხის გული, რძის პროდუქტები, ცხიმიანი თევზი, სოკო, მარცვლეული და ა.შ.
D ვიტამინის ნაკლებობის შემდეგი გამოკვეთილი ნიშნებია:
იმუნიტეტის დაქვეითება
კუნთების სისუსტე
მაღალი არტერიული წნევა
დეპრესია (სეზონური)
ჭარბი ოფლიანობა
გულთან დაკავშირებული პრობლემები.
