ალბერტ აინშტაინმა, როგორც დიდმა ფიზიკოსმა, მთელი რიგი რევოლუციური ფიზიკური თეორიების შემქნმელმა და მრავალი სამეცნიერო ნაშრომის შემქმნელმა კაცობრიობის ისტორიაში ღრმა კვალი დატოვა. თუმცა ბევრმა არ იცის, რომ ეს შესანიშნავი მეცნიერი იყო თავისი დროის ერთ-ერთი ბრძენი ადამიანი, რომელმაც სკუთარ პუბლიკაციებში გაგვიზიარა ძალიან ბევრი ცხოვრებისეული დაკვირვება და რჩევა. რამოდენიმე მათგანის შესახებ ამ სტატიაში შეგახსენებთ.
1. ჩვენ ყველა გენიოსებად ვიბადებით, მაგრამ ცხოვრება ასწორებს ამას «ჩვენ ყველანი გენიოსები ვართ. მაგრამ თუ თქვენ თევზს შეაფასებთ მისი ხეზე ცოცვის შესაძლებლობებით, ის მთელი ცხოვრება საკუთარ თავს სულელად ჩათვლის».
2. ყველას მიმართ გქონდეთ პატივისცემა და ღირსეული დამოკიდებულება «მე ყველას თანაბრად ვესაუბრები, მიუხედავად იმისა, ვინ არის ის – დამლაგებელი თუ უნივერსიტეტის პრეზიდენტი».
3. ჩვენ ყველა ერთი ვართ
«ადამიანი — ეს ერთი მთლიანის ნაწილია, რასაც ჩვენ სამყაროს ვეძახით, დროსა და სივრცეში შეზღუდული ნაწილი. ის საკუთარ თავს, აზრებს და ემოციებს შეიგრძნობს როგორც გარესამყაროსგან რაღაც განცალკევებული, რაც სინამდვილეში მისი ცნობიერების ოპტიკური ტყუილია. ეს ილუზია გახდა დილეგი(საპყრობილე), რომელიც ჩვენი სურვილების და ჩვენთვის ახლობელი ადამიანების ძალიან ვიწრო წრისადმი დამოკიდებულებაში მდგომარეობს. ჩვენი ამოცანაა — ამ ციხეს თავი დავაღწიოთ, საკუთარი მონაწილეობის სფერო გავაფართოვოთ მსოფლიოს მასშტაბით, მთელი მისი მომხიბვლელობის ფარგლებში»
4. დამთხვევები არ ხდება
«დამთხვევა — ეს ერთ-ერთი საშუალებაა, რომლის დახმარებით ღმერთი ინარჩუნებს ანონიმურობას»
5. წარმოსახვა ცოდნაზე მნიშვნელოვანია
«წარმოსახვა ცოდნაზე მნიშვნელოვანია. ცოდნა ეფუძნება მხოლოდ იმას, რაც ჩვენ ახლა ვიცით და გვესმის, მაშინ, როცა წარმოსახვა მოიცავს მთელ სამყაროს და ყველაფერს, რასაც ჩვენ ოდესმე გავიგებთ და შევიგნებთ». «ინტელექტის ნამდვილი ზეიმი არის წარმოსახვა და არა ცოდნა». «ლოგიკა დაგეხმარებათ მიხვიდეთ A-დან Z-მდე; წარმოსახვა მოგატარებთ მთელ სამყაროს».
6. მარტოობა შეიძლება იყოს შესანიშნავი რამ მოწიფული ადამიანისთვის
«მარტოობა მტკივნეულია, როცა ადამიანი ახალგაზრდაა, მაგრამ შესანიშნავია, როცა ის უფრო მოწიფული ხდება». «მე მარტოობაში ვცხოვრობ; ის მომწამვლელია ახალგაზრდებისთვის, მაგრამ შესანიშნავ გემოს იძენს წლებთან ერთად». «ერთფეროვნება და მარტოობა, მშვიდი ცხოვრება ახდენს შემოქმედებითი გონების სტიმულირებას».
7. გააკეთეთ ის, რასაც გულში გრძნობთ და იქნებით მართალი. ნებისმიერ შემთხვევაში გაგაკრიტიკებენ
«დიდი გონების მქონე ადამიანები ყოველთვის ეჯახებიან საშუალო გონების მქონე ადამიანების მხრიდან გააფთრებულ წინააღმდეგობას. ამ უკანასკნელთ არ შეუძლიათ გაუგონ იმ ადამიანს, რომელიც უარს ამბობს ბრმად დაემორჩილოს გავრცელებულ ცრურწმენებს და ამის ნაცვლად თამამად იყენებს თავის ინტელექტს».
8. ყველაზე მშვენიერი ჩვენს ცხოვრებაში არის იდუმალი და გაუგებარი
«თუ თქვენ გინდათ, რომ თქვენი შვილები ჭკვიანები იყვნენ, წაუკითხეთ მათ ზღაპრები. თუ გინდათ, რომ კიდევ უფრო ჭკვიანები იყვენენ, მაშინ კიდევ უფრო ბევრი ზღაპარი წაუკითხეთ». «ფანტაზიის ნიჭი ჩემთვის უფრო მეტია, ვიდრე ცოდნის შეთვისების შესაძლებლობა». «ყველაზე მშვენიერი რამ, რასაც განვიცდით, შეუძლებელია რომ ავხსნათ. მიუწვდომელი რამ ხდება გრძელვადიანი ხელოვნებისა და მეცნიერების წყარო. მას, ვისთვისაც ეს გრძნობა უცნობია, ვისაც არ შეუძია პაუზის გაკეთება და აღფრთოვანების განცდა ამოუცნობის წინაშე, საკუთარ თავს გრძნობს მკვდრად: მისი თვალები დახუჭულია».
9. რელიგიამ და მეცნიერებამ უნდა იმუშაოს ერთდროულად და არა ერთმანეთის წინააღმდეგ
«მეცნიერება რელიგიის გარეშე კოჭლია, რელიგია მეცნიერების გარეშე ბრმაა». «მეცნიერები ეკლესიის მიერ შეფასდნენ როგორც უდიდესი ერეტიკოსები, მაგრამ სინამდვილეში ისინი რელიგიური ადამიანები არიან სამყაროს მოწესრიგებულობაში მათი რწმენის გამო».
10. თქვენი მნიშვნელობა წარმატებაზე მეტია
«მისწრაფება იქონიეთ არა წარმატების მიღწევისკენ, არამედ იმისკენ, რომ იყოთ სასარგებლო». «დიდების მოსვლასთან ერთად მე სულ უფრო სულელი ვხდები, რაც სხვათა შორის საკმაოდ გავრცელებული მოვლენაა».
11. შეცდომები არის ზრდისა და პროგრესის ნიშანი
«ადამიანი, რომელიც არასდროს შემცდარა, არაფერი ახალი არ გაუსინჯავს».
12. დააფასეთ უბრალოება
«თუ თქვენ არ შეგიძლიათ უბრალოდ გადმოსცეთ რამე, ე.ი. თქვენ თავად არ გესმით საგანი კარგად». «ყველაფერი ისე მარტივად უნდა იყოს წარმოდგენილი, რამდენადაც შესაძლებელია. მაგრამ არა ზედმეტად».
13. ნუ გაიჩენთ კერპებს
«ნებისმიერი ადამიანი უნდა დაფასდეს, როგორც პიროვნება, მაგრამ არავინ არ უნდა გახდეს კერპი»
14. დასჯა ადამიანს უკეთესს ვერ გახდის
«თუ ადამიანი კეთილსინდისიერი რჩება მხოლოდ იმისთვის, რომ სასჯელს ასცდეს ან ჯილდო მიიღოს, ამ ყველაფრისგან არაფერი კარგი არ გამოვა».
15. ცხოვრება — ეს მსახურებაა
«მხოლოდ სხვებისთისთვის განვლილ ცხოვრება სშეიძლება ეწოდოს სრუფასოვანი». «ადამიანის ფასეულობა მდგომარეობს იმაში თუ რას გასცემს ის და არა იმაში, რისი მიღების შესაძლებლობა აქვს».
16. არასდროს შეწყვიტოთ სწავლა
«ინტელექტუალური ზრდა უნდა დაიწყოს დაბადებისთანავე და მხოლოდ სიკვდილის მომენტში უნდა შეწყდეს».
17. არ შეწყვიტოთ შეკითხვების დასმა
«ისწავლეთ გუშინდელი დღისგან, იცხოვრეთ დღეს, იქონიეთ ხვალის იმედი. მთავარია არ შეწყვიტოთ შეკითხვების დასმა. ცნობისმოყვარეობას ყველა საფუძველი აქვს არსებობისთვის». «ისეთი ადამიანები, როგორიც მე და თქვენ ვართ, მართალია მოკვდავები ვართ, ისევე როგორც სხვები, მაგრამ არასოდეს ვბერდებით მიუხედავად იმისა რამდენი ხანი ვცოცხლობთ. მე მხედველობაში მაქვს ის, რომ არასოდეს გადავეჩვევით ვიდგეთ ცნობისმოყვარე ბავშვებივით იმ უდიდესი საიდუმლოს წინაშე, რომელშიც ჩვენ დავიბადეთ».
18. ყველაფერი თქვენზეა დამოკიდებული
«ჩვენი სამყარო ცხოვრებისთვის საშიში ადგილია არა იმიტომ, რომ ზოგიერთები ბოროტებას თესავენ, არამედ იმიტომ, რომ ყველადანარჩენი ადამიანები ხედავენ ამას და არაფერს აკეთებენ».
19. არ შეგეშინდეთ საკუთარი აზრის გამოთქმის
«ძალიან ცოტა ადამიანს შეუძლია აზრის გამოთქმა იმის საზოგადოებაში გავრცელებული ცრურწმენების საწინააღმდეგოდ. ადამიანების უმეტესობას ასეთი აზრის ფორმირებაც კი არ შეუძლია»
20. ნება მიეცით ბუნებას იყოს თქვენი მასწავლებელი
«დააკვირდით ბუნებას და ამის ბევრ რამეს უკეთ გაიგებთ ».
21. შეცვალეთ თქვენი ცნობიერება და ეს შეცვლის თქვენს ცხოვრებას
«სამყარო, რომელიც ჩვენ გვაქვს, შექიმნა ჩვენი აზროვნების პროცესში. ის ვერ შეიცვლება ჩვენი ცნობიერების შეცვლის გარეშე». «ჩვენ ვერ გადავწყვეტთ პრობლემებს იგივე აზროვნებით, რომლითაც ისინი შევქმენით»
22. მიზანი — ეს მთავარია
«თუ გინდათ ბედნიერი ცხოვრება განვლოთ, მიჯაჭვული უნდა იყოთ მიზნებზე და არა ადამიანებზე და ნივთებზე».
23. ჩვენ ბედნიერი ვართ, როცა სხვებს ვაბედნიერებთ
«საკუთარი თავის გახარების საუკეთესო საშუალება — ეს არის ვინმესთვის ბედნიერების მინიჭება».
24. თქვენ არ გაქვთ არანაირი შეზღუდვა გარდა იმისა, რომლებიც თავად დაუწესეთ საკუთარ თავს
«მხოლოდ მას შეუძლია შეუძლებელს მიაღწიოს, ვინც მზად არის რაიმე აბსურდული გააკეთოს». «აი შეკითხვა, რომელიც ზოგჯერ მაფიქრებს: ეს მე ვარ გიჟი, თუ სხვა ყველანი?»
25. სწორი ქცევა ყოველთვის არ გაგხდით პოპულარულს
«რაც სწორია, ის ყოველთვის პოპულარული არ არის, რაც პოპულარულია, ნაკლებად არის სწორი ».
26. სირთულეებს ახალი შესაძლებლობები მოაქვს
«უწესრიგობაში მოძებნეთ სიმარტივე. დისონანსში – ჰარმონია. დაბრკოლებებში – შესაძლებლობები».
27. თქვენ ვერ მოიპოვებთ მშვიდობას ძალის გამოყენებით
«მშვიდობის მიღწევა შეუძლებელია ძალის გამოყენებით. ის მხოლოდ ურთიერთგაგებით მიიღწევა». «არ შეიძლება ერთდროულად შეწყვიტო ან დაიწყო ომი».
28. წვრილმანები არ არსებობს
«მას, ვინც არ უფრთხილდება წვრილმანებში არსებულ სიმართლეს, არ აქვს ნდობა მნიშვნელოვანი საკითხების მიმართაც».
29. იარეთ თქვენი გზით
«ადამიანი, რომელიც ბრბოს მიჰყვება, როგორც წესი ბრბოზე ნაკლებს გაივლის. ადამიანი, რომელიც თავისი გზით დადის, შეძლებს ისეთ ადგილებში აღმოჩნდეს, სადაც არასოდეს არავინ ყოფილა».
30. მოუსმინეთ ინტუიციას
«ინტუიცია — ეს წმინდა საჩუქარია, ხოლო რაციონალური გონება — ერთგული მსახური. ჩვენ შევქმენით საზოგადოება, რომელიც ქმნის წაჩინებულ მდგომარეობას მსახურისთვის, მაგრამ ავიწყდება ძღვენი». «მე ვერასოდეს მივაგნებდი ჩემს აღმოჩენებს რაციონალური აზროვნების პროცესში».
31. სიბრძნე — ეს სწავლების შედეგი არ არის
«სიბრძნე სწავლების პროდუქტი კი არ არის, არამედ მისი შეძენის ცხოვრებისეული მცდელობა».
წყარო: b2p.ge
