“სიზმარშიც ვერ წარმოვიდგენდი თუ თავდაცვის სამინისტროში ამდენი რამ იქნებოდა გასაკეთებელი,” – ამის შესახებ თავდაცვის მინისტრმა თინათინ ხიდაშელმა ტელეკომპანია „იმედზე“, გადაცემა „პოლიტიკის“ ეთერში განაცხადა.
მან გადაცემაშო განაცხადა, რომ სავალდებულო გაწვევის საჭიროება აღარ არსებობს.
„სიზმარშიც ვერ წარმოვიდგენდი თუ თავდაცვის სამინისტროში ამდენი რამ იქნებოდა გასაკეთებელი. სავალდებულო სამხედრო სამსახურის გაუქმება არის დაპირება, რომელიც მინდა დარჩენილ დროში ავასრულო, ვიდრე შემდეგ მანდატზე წარვდგები. ეს საკითხი არის დომინანტი დღეს და დარწმუნებული ვარ წინააღმდეგობა არ ექნება. თუ ხელისუფლებაში იქნება „ქართული ოცნება“, ამ საკითხს პრობლემა არ შეექმნება. ამ მოცემულობებში სავალდებულო გაწვევის საჭიროება აღარ არსებობს. სრული პასუხისმგბელობით ვაცხადებ, რომ აქ რეალურად პრობლემა არ არის.
მე არ ველოდები წევრობას ნატოს სამიტზე ვარშავაში. არ მინდა, რომ ვინმეს არასწორი მოლოდინი ჰქონდეს. არ მინდა, რომ ვინმეს პირდაპირ თუ ირიბად იმედები გაუცრუვდეს. უნდა ვიყოთ რეალისტები. სამყარო არ ტრიალებს მხოლოდ საქართველოს გარშემო. უამრავი გამოწვევა არსებობს მსოფლიოში. ჩვენ დამოკიდებული ვართ კონსენსუსზე 28 ქვეყანას შორის,რომელიც ჯერ არ არის. შავი ზღვა მიიჩნევა სარისკო ზღვად ყირიმის მოვლენების შემდეგ, ამიტომ ნატო-საქართველოს ურთიერთობების შემდეგ წარმატებულ ნაბიჯად ჩაითვლება შავი ზღვის უსაფრთხოების დაცვა.
ეს არ არის მარჩიელობის თემა. ჩვენ ერთობლივად მივიღებთ გადაწყვეტილებას. ეს არის პარტია, სადაცყოველთვის ასე ხდებოდა და არამგონია იყოს ვნებათაღელვის საფუძველი. მე ვარ მინისტრი იმიტომ, რომ მთავრობა იყო ორპარტიული. ახლა მე ვგეგმავ, რომ პარტიის წარმატების შემთხვევაში რესპუბლიკური პარტია გარდა პარლამენტისა, წარმოდგენილი იქნება მთავრობაშიც. პოლიტიკური კულტურის ცვლილებაც არის ევროპული საქართველო, საარჩევნო ომები უნდა დავასრულოთ. ჩვენ ჩავატარეთ ორი ისეთი არჩევნები სადაც ხელჩართული ბრძოლა. ისტორიული მომენტი იყო, როდესაც ორი პოლიტიკური ძალის ლიდერმა, ქვეყნის პრემიერ-მინისტრმა და პარლამენტის თავმჯდომარემ ერთად, ერთ პრესკონფერენციაზე, ერთმანეთის შეურაცყოფის გარეშე უთხრე მოსახლეობას, რომ ჩვენ ვრჩებით ერთ უმრავლესობაში დღეს, მაგრამ ვიქნებით კონკურენტები ხვალ. ამომრჩეველს საკუთარი თავი უნდა მივყიდოთ და დავამტკიცოთ რატომ ვართ ყველაზე კარგები.“
მანანა ღოღობერიძე
