ევროკავშირის სტატისტიკური სამსახურის (ევროსტატის) მიხედვით, 2016 წლის თებერვალ-მარტში ევროკავშირში უმუშევართა პროცენტური რიცხვი 10.3 %-ია, 2015 წელს ამავე პერიოდში 11.2 % იყო. ახალი მონაცემები 0.1 %-ით ნაკლებია იანვრის მონაცემებთან შედარებით.
თუმცა მნიშვნელოვანია ის ფაქტი, რომ ბოლო 5 წლის განმავლობაში, 2011 წლის აგვისტოს შემდეგ, ასეთი დაბალი ნიშნული ჯერ არ დაფიქსირებულა.
ევროსტატის მონაცემებით, თებერვლის თვეში უმუშევართა რაოდენობა 21,651 მილიონია. იანვრის თვისგან განსხვავებით, თებერვალში დაახლოებით, 59 ათასი ადამიანი დასაქმდა.
სტატისტიკის მიხედვით, ევროკავშირის წევრი ქვეყნებიდან უმუშევრობის ყველაზე დაბალი რიცხვი დაფიქსირდა გერმანიაში – 4,3 % და ჩეხეთის რესპუბლიკაში – 4,5%.
ყველაზე მაღალი საბერძნეთსა და ესპანეთში. ამ უკანასკნელის პროცენტული რაოდენობაა 20.4%,ხოლო საბერძნეთის 24.0%, განსაკუთრებული მატება ამ ქვეყანაში 2015 წლის დეკემბრიდანაა დაწყებული.
წინა წელთან შედარებით,ოცზე მეტ წევრ ქვეყანაში მდგომარეობა ისევ სტაბილურია. უმუშევართა რიცხვი გაზრდილია ავსტრიაში 5,4%-დან 6 %-მდე; ლატვიაში 9,7%-ან 10,1%-მდე და ფინეთში 9,1 %-დან 9.2%-მდე.
უმუშევართა რიცხვი გასულ წელთან შედარებით ყველაზე მეტად დაეცა კვიპროსში 16,6%-დან 12,6%-მდე; ესპანეთში 23,2%-დან 20,4%-მდე და ბელგიაში 9,8%-დან 7,4%-მდე.
უმუშევართა რიცხვი 25 წელს ქვემოთ:
ევროსტატის მონაცემებით, უმუშევარია 25 წელს ქვემოთ მყოფი 4,381 მილიონი ადამიანი.
2015 წლის ამ მონაკვეთთან შედარებით, ეს რიცხვი 428 ათასით დაწეულია. წელს მათი პროცენტული რაოდენობა მთლიან შკალაზე 19,4 %-ით განისაზღვრა.
ყველაზე დაბალი მავენებელი აქვს გერმანიას 6,9%, ჩეხეთის რესპუბლიკას 10,2%, დანიას 10,5% და მალტას 10,8%.
რაც შეეხება ყველაზე მაღალს საბერძნეთში 48,9%, ესპანეთში 45,3%, ხორვატიაში 40,3% და იტალიაში 39,1%-ია.
წყარო: www.euronews.com
თემაზე მუშაობდნენ:
გიორგი მიქანაძე
ნათია კეკენაძე
