თბილისის ოპერისა და ბალეტის თეატრის ცისფერ დარბაზში გაიმართება პრესკონფერენცია XI საერთაშორისო ფესტივალის „აღდგომიდან ამაღლებამდე“ შესახებ. პრესკონფერენციას გაუძღვებიან თბილისის მერიის კულტურის საქალაქო სამსახურის უფროსი ია მაქაცარია, საქართველოს კულტურისა და ძეგლთა დაცვის სამინისტროს კულტურის პოპულარიზაციის სამმართველოს უფროსი გიორგი აფციაური და ფესტივალის ორგანიზატორი მანანა დავითაშვილი.
საქართველოს კულტურისა და ძეგლთა დაცვის სამინისტროსა და ქ. თბილისის მერიის მხარდაჭერით, „აღდგომიდან ამაღლებამდე“ თბილისის ისტორიის მუზეუმში („ქარვასლა“) 5 მაისს გაიხსნება; წარმოდგენილი იქნება საქართველოს და დაღესტნის სახალხო მხატვრის, თბილისის საპატიო მოქალაქის, უნიკალური ხელოვანის მანაბა მაგომედოვას ფოტონამუშევრების გამოფენა.
წელს ფესტივალი პროექტის “Check in Georgia” ფარგლებში ტარდება და საინტერესო საფესტივალო პროგრამით გამოირჩევა – სამხატვრო ხელმძღვანელია ამერიკის შეერთებულ შტატებში მოღვაწე ცნობილი ქართველი პიანისტი ალექსანდრე კორსანტია.
ფესტივალის დასკვნითი საღამო, 9 ივნისს, ამაღლების დღესასწაულზე, ბათუმში გაიმართება.
