დიდი ბრიტანეთის ევროკავშირიდან გასვლის შესახებ,რამდენიმე წელია აქტიურად მიდის მსჯელობა. საკითხზე ღიად წლების წინ,ჯერ კიდევ, ქვეყნის სამთავრობო წარმომადგენლები ლაპარაკობდნენ. ორად იყოფოდა ექსპერტების აზრი, ერთი მხარის თქმით, დიდი ბრიტანეთისთვის ევროკავშირის დატოვება სასიცოცხლოდ მნიშვნელოვანია, ხოლო მეორე ნაწილის თქმით, ევროკავშირიდან დიდი ბრიტანეთის წავსლა ორივე მათგანის ეკონომიკურ და სისტემურ კოლაფს გამოიწვევს. დასავლური მედია მუდმივად აშუქებდა ამ მცოცავ პროცესს, თუმცა ნებისმიერი სტატია თუ მოსაზრება, რა თქმა უნდა, მხოლოდ ვარაუდებს შეიცავდა. ამ საკითხით დაინტერესებული ადამიანები „დიდი ოცეულის“ სხდომას ელოდებოდნენ. სხდომაზე წევრი სახელმწიფოების კონკრეტული პოზიცია გაჟღერდა.
„დიდი ოცეულის“ სხდომის ფარგლებში ოცეულის ქვეყნების ფინანსთა მინისტრებმა და ცენტრალურ ბანკთა ხელმძღვანელებმა ბრიტანეთის ევროკავშირიდან გასვლის საკითხზე რადიკალურად ნეგატიური პოზიცია დაიჭირეს. თებერვლის ბოლოს მათ განაცხადეს, დიდი ბრიტანეთის კავშირიდან გასვლის წინააღმდეგნი არიან. „მსოფლიო ეკონომიკისთვის შოკი“, „სასიცოცხლოდ სერიოზული“ – ამ რეპლიკებით შეაფასეს ბრიტანეთის მომავალი გეგმები ევროკავშირთან მიმართებაში.
საინტერესო იყო აშშ-ს ფინანსთა მინისტრის ჯეიკობ ლიუმის განცხადება, მან თქვა,რომ ბრიტანეთის გასვლა ევროკავშირიდან,როგორც ეკონომიკური ისე უსაფრთხოების თვალსაზრისით, ორივე მხარისთვის უარყოფით პროცესებს გამოიწვევს, „ეს არც ბრიტანეთის, არც ევროკავშირის და არც აშშ-ს ინტერესებშია“ – თქვა მინისტრმა.
როგორც evronews იტყობინება, საერთაშორისო სავალუტო ფონდის დირექტორის ქრისტიან ლეგარდის თქმით, მიღებულ კომუნიკეში ბრიტანეთთან დაკავშირებით, შესაბამისი ჩანაწერის საჭიროებაზე დელეგატები სხდომის პირველივე წუთიდან შეთანხმდნენ.
2016 წლის 23 ივნისს ქვეყანაში ერთიანი რეფერენდუმი უნდა ჩატარდეს. მანამდე ქვეყნის პირველ პირებს შორის განხილვა მიმდინარეობს. აქვე საინტერესოა, პროფესიული კავშირის ყოფილი ხელმძღვანელის აზრი, ბარბერის თქმით, ევროკავშირიდან გასვლა ხელფასებსა და ზოგადად ქვეყანაში პროდუქტის ფასებზე დიდი დარტყმა იქნება.
ვარაუდობენ,რომ დიდ ბრიტანეთში მოსახლეობისთვის ცხოვრება მარტივი აღარ იქნება (არსებულთან შედარებით), ამის მიზეზი ის არის, რომ საცხოვრებელი ხარჯები მნიშვნელოვნად გაიზრდება, შემცირდება სამუშაო ადგილები. ამის საპირისპიროდ, შრომის მინისტრის თქმით, ეს იქნება მხოლოდ გარდამავალ პერიოდში. ბიტნულ ბიზნესს კი უფრო მეტი თავისუფლება მიეცემა და გარდამავალი პერიოდის შემდეგ სიტუაცია დღევანდელთან შედარებით უფრო მეტად გაუმჯობესდება.
დევიდ ქემერონის მიერ გავრცელებულ წერილში ნათქვამია: „ნაკლებად ღია ვაჭრობა იწვევს წარმოების შემცირებას. არ აქვს მნიშვნელობა თქვენ მუშაობთ ავტომობილის მწარმოებელ ქარხანაში, ფაბრიკაში, მაღაზიასა თუ ოფისში. დიდი ალბათობით, თქვენ ყოველი თვის ბოლოს სახლში უფრო ნაკლებ ფულს მიიტანთ“.
პროგნოზების მიხედვით, 2030 წლისთვის ქვეყნის მთლიანი შიდა პროდუქტი, დაახლოებით, 6%-ით შემცირდება. ბრიტანეთის ფინანსთა სამინისტროს ანგარიშის მიხედვით, ინვესტიციები შემცირდება და სავაჭრო ბარიერები გაიზრდება.
თემაზე მუშაობდნენ:
გიორგი მიქანაძე
ნათია კეკენაძე
