საპროკურორო საბჭოს წევრობის 17 კანდიდატის ვინაობა ცნობილია. მათგან 8 კი, საბჭოს წევრად უნდა აირჩიონ.
როგორც პროკურორთა კონფენერნციაზე საქართველოს მთავარი პროკურატურის საპროკურორო საქმიანობაზე ზედამხედველობისა და სტრატეგიული განვითარების დეპარტამენტის უფროსმა ნათია მეზვრიშვილმა განაცხადა, 17 კანდიდატი თორმეტმა საინიციატივო ჯგუფმა წარადგინა. მისივე თქმით, თითოეულ საინიციატივო ჯგუფს, არაუმეტეს 2 კანდიდატის წარდგენის უფლება ჰქონდა.
მთავარი პროკურატურის პირველ კვოტაზე წარდგენილნი არიან მთავარი პროკურატურის დეპარტამენტის პროკურორები გიგა ძნელაძე და ნანა ხუნჭუა. მთავარი პროკურატურის მეორე კვოტაზე წარდგენილნი არიან უწყების საგამოძიებო ნაწილის სამმართველოს უფროსი ნათია სონღულაშვილი და მთავარი პროკურატურის დეპარტამენტის პროკურორი ზაზა ქორიძე.
მესამე კვოტაზე კი დასახელდნენ მთავარი პროკურატურის დეპარტამენტის პროკურორი დავით ბუკია და დეპარტამენტის უფროსის მოადგილე გოჩა ფარულავა.
აფხაზეთის და აჭარის ავტონომიური რესპუბლიკის მეოთხე კვოტაზე წარდგენილნი არიან ოზურგეთის რაიონული პროკურორი შოთა კვაჭანტირაძე და აჭარის ავტონომიური რესპუბლიკის პროკურორის მოადგილე ანზორ უსტიაძე.
აღმოსავლეთ საქართველოს ტერიტორიაზე არსებული საოლქო პროკურატურების ქალაქ თბილისის პროკურატურის და რაიონული პროკურატურების მეხუთე კვოტაზე კი დასახელდნენ თბილისის პროკურატურის პროკურორი ხათუნა მოდებაძე და რუსთავის რაიონული პროკურატურის პროკურორი კონსტანტინე სირაძე.
აღმოსავლეთ საქართველოს ტერიტორიაზე არსებული საოლქო პროკურატურების ქალაქ თბილისის პროკურატურების და რაიონული პროკურატურების მე-6 კვოტაზე დასახელდნენ თბილისის პროკურატურის პროკურორი ანა კალანდაძე და გორის რაიონული პროკურატურის პროკურორის მოადგილე მორის ჩუბინიძე.
აღმოსავლეთ საქართველოს ტერიტორიაზე არსებული საოლქო პროკურატურების ქალაქ თბილისის პროკურატურების და რაიონული პროკურატურების მე-7 კვოტაზე დასახელდნენ კახეთის საოლქო პროკურატურტის განყოფილების უფროსი გიორგი ბაჩიაშვილი და ქალაქ თბილისის პროკურორი გიორგი გაბოძე.
დასავლეთ საქართველოს ტერიტორიაზე არსებული საოლქო და რაიონული პროკურატურის მე-8 კვოტაზე დასახელდნენ ქეთევან თალაკვაძე – დასავლეთ საქართველოს საოლქო პროკურატურის პროკურორი და ზესტაფონის რაიონული პროკურორის მოადგილე გრიგოლ კეზელაძე. ასევე, სამეგრელო-ზემო სვანეთის პროკურორი მამუკა ფიფია.
