დღეს, 12:20 საათზე, საქართველოს ტექნოლოგიურ პარკში გაიმართება საქართველო-სლოვაკეთის ბიზნეს ფორუმი, რომელსაც გახსნიან საქართველოს პრემიერ-მინისტრი გიორგი კვირიკაშვილი და სლოვაკეთის რესპუბლიკის პრეზიდენტი ანდრეი კისკა.
ღონისძიებაზე წარმოდგენილი იქნება საქართველოს საინვესტიციო გარემოს პრეზენტაცია. ფორუმის ძირითადი განსახილველი თემებია: ენერგეტიკა, ინფორმაციული ტექნოლოგიები, ტრანსპორტი, ლოჯისტიკა, ინფრასტრუქტურა და ვაჭრობა.
ღონისძიების ორგანიზატორია საქართველოს ეროვნული საინვესტიციო საგენტო, სლოვაკეთის ინვესტიციების და ვაჭრობის განვითარების სააგენტო, საქართველოს დამსაქმებელთა ასოციაცია. ფორუმის პარტნიორია საქართველოს სავაჭრო-სამრეწველო პალატა.
