პრემიერ-მინისტრმა არჩევნებთან დაკავშირებით, პრეზიდენტის მიერ გამოცემულ განკარგულებებს ხელი მოაწერა.
განკარგულებები, როგორც საქართველოს საპარლამენტო არჩევნების, ისე აჭარის ავტონომიური რესპუბლიკის უმაღლესი საბჭოს არჩევნების შესახებ პრეზიდენტის ვებგვერდზე გამოქვეყნდა.
არჩევნების დანიშვნის თაობაზე გამოცემული სამართლებრივი აქტების გამოქვეყნებისთანავე, წინასაარჩევნო კამპანია იწყება.
განკარგულების კონტრასიგნაციის საკითხი მთავრობამ 6 ივნისს განიხილა და პრეზიდენტის მიერ გამოცემული სამართლებრივი აქტი მოიწონა.
