სასწრაფო-სამედიცინო დახმარების მძღოლებმა საგანგებო სიტუაციების სამსახურის წინ გამაფრთხილებელი აქცია გამართეს.
მძღოლები აცხადებენ, რომ მას შემდეგ რაც მათ განრიგში ცვლილებები შევიდა და ყოველი მესამე დღის მაგივრად, ყოველ მეოთხე დღეს უწევთ მორიგეობა, ხელფასები შეუმცირდათ.
“მძღოლები ითხოვენ , რომ დარცეს იგივე პირობები რაც სამ დღეში ერთხელ მორიგეობისას ჰქონდათ სანამ ახალი ბიუჯეტი არ დამტკიცდება;ამას გარდა არის დაჯარიმებები ფაქტობრივად ხელფასიდან აკლდებათ მძღოლებს თანხები; არსებული სიტუაციის გამო ჩვენ დირექცია შევთავაზეთ დიალოგი”,-განაცხადა ტრანსპორტის პროფკავშირების თავმჯდომარემ ლავრენტი ალანიამ.
მძღოლები მათი მოთხოვნების არ შესრულების შემდეგ გაფიცვას არ აპირებენ, თუმცა შესაბამის ზომებს სხვადასხვა ინსტანციებში აუცილებლად გააჟღერებენ.
“ჩვენ ვმუშაობთ 240 საათი, ანუ თვეში არის 10 მორიგეობა, ამ ცვლილებების შედეგად კი გვექნება 7 მორიგეობა, შესაბამისად 255 ლარით ნაკლები ხელფასები, რადგან ჩვენ ანაზღაურებას საათობრივი მუშაობის შედეგად ვიღებთ”,-განაცხადა მე11 ფილიალის მძღოლმა დათო მუჩიაშვილმა.
აქციიდან რამდენიმე წუთში მძღოლები, რომლებიც აქციას მართავდნენ, ხელმძღვანელობამ მოსალაპარაკებლად დაიბარა.
23.08.13
