შსს-მ ცეცხლსასროლი იარაღის უკანონო შეძენა-შენახვის ბრალდებით ერთი პირი დააკავა.
შინაგან საქმეთა სამინისტროს ცნობით, თბილისის მთავარი სამმართველოს დეტექტივების სამმართველოს მე-3 განყოფილების თანამშრომლებმა, ჩატარებული ოპერატიული ღონისძიების შედეგად, თბილისში მცხოვრები, 1988 წელს დაბადებული რატი ო. ცეცხლსასროლი იარაღის უკანონო შეძენა-შენახვის ბრალდებით დააკავეს.
სამართალდამცველებმა დაკავებულის საცხოვრებელი სახლის ჩხრეკისას 2 ცეცხლსასროლი იარაღი: ,,ბერეტას” და ,,ვალტერის” მოდელის პისტოლეტები 2 მჭიდითა და 13 საბრძოლო ვაზნით ამოიღეს. დაკავებული ჩადენილ დანაშაულს აღიარებს”, – აცხადებენ შინაგან საქმეთა სამინისტროში.
გამოძიება ცეცხლსასროლი იარაღის უკანონო შეძენა-შენახვის ბრალდებით მიმდინარეობს (სსსკ-ის 236-ე მუხლის 1-ლი ნაწილით, რაც 3 წლამდე
თავისუფლების აღკვეთას ითვალისწინებს).
26.08.13
