„ვერაფერს დააპირებენ, მათ არ აქვთ სახალხო მხარდაჭერა. მიხეილ სააკაშვილი ისევ ცრუბს, ხელისუფლებაში მოსვლისთვის შეპყრობილია შიზოფრენიული იდეებით. მას არ გააჩერებს არაფერი, არანაირი რაოდენობის სისხლი. თუმცა ამის რესურსი არ აქვს, სახელმწიფო ორგანოები და ხალხი დღეს მყარად დგას ფეხზე“. ამის შესახებ ლევან გაჩეჩილაძემ ტლეკომპანია „იმედზე“, გადაცემა „ქრონიკის“ ეთერში ისაუბრა.
ლევან გაჩეჩილაძემ სულხან მოლაშვილის საქმის გადაკვალიფიცირების მოთხოვნაზეც ისაუბრა.
„არაფერს ვითხოვთ. ეს არის მცირე დეტალი და საქმის გადაკვალიფიცირება აუცილებლად მოხდება, ჩვენ უბრალოდ ერთჯერადად შევიკრიბეთ. გვახსოვს ყველაფერი, აუცილებლად უნდა გვახსოვდეს და იმ მოქალაქეებსაც უნდა ახსოვდეთ, რომლებიც ცხრა წლის განმავლობაში ინდიფერენტულად, ნეიტრალურად უყურებდა სიტუაციას. ჩვენ მოვიპოვეთ თავისუფლება და არც სანდრას და არც სააკაშვილის ტყუილებით თავისუფლებას აღარავის გავატანთ.
რეჟიმი დამარცხდა, ჩვენ უკვე ოთხი წელია ვცხოვრობთ სტაბილურ სახელმწიფოში, სტაბილურ გარემოში. ამაზე მეტყველებეს ყველა ის მაჩვენებელი, რაც გვაქვს ეკონომიკაში, ბიზნესში, თუნდაც რაც ქუჩაში ხდება. აბსოლიტურად წყნარად შეგიძლია გახვიდე და არანაირი საშიშროება არ გელის. თავისუფალ გარემოში მიმდინარეობს წინასაარჩევნო პროცესი, ბევრი საერთაშორისო დამკვირვებელი აკეთებს ამაზე განცხადებას, ამერიკის შეერთებული შტატების ელჩიც ამას აცხადებს. სტაბილურობა გაგრძელდება და ქვეყნა კვლავ წავა კეთილდღეობისკენ“.
მანანა ღოღობერიძე
