”არტარეა გალერეა“ დღეს საერთაშორისო პროექტს „Love Song” უმასპინძლებს. როგორც ”თბილისი თაიმსს” ”თიბისი ბანკიდან” აცნობეს, გულის ფორმის ხმის ჩამწერი მოწყობილობები, რომლებიც „არტარეას“ საგამოფენო სივრცეში განთავსდება, დამთვალიერებელს შესაძლებლობას მისცემს მსოფლიოს სხვადასხვა ქვეყნის, მათ შორის ქართველი მუსიკოსების ნამუშევრებს მოუსმინოს ერთი თემის – სიყვარულის შესახებ.
როგორც ბანკის პრესსამსახურში განმარტავენ, პროექტი ოთხი ბელგიური სახელოვნებო ორგანიზაციის – ChampdAction, M HKA, (ანტვერპენის თანამედროვე ხელოვნების მუზეუმი) deBuren, და Objectif Exhibitions ინიციატივით შეიქმნა და ის მსოფლიოს სხვადასხვა ქვეყნის არტისტების მიერ გულის ფორმის მოწყობილობებში ჩაწერილი სიმღერების სხვადასხვა საგამოფენო სივრცეში განთავსებას გულისხმობს.
ღონისძიება დასწრება თავისუფალია.
ღონისძიება დასწრება თავისუფალია.
