“პასუხისმგებლობა საკუთარ თავზე ავიღე. პარტიაში შექმნილი ვითარება გახდა ჩემი გადაწყვეტილების მიზეზი და არა პირიქით. მე ვრჩები ოპოზიციურ პოლიტიკურ სისტემაში და ვაგრძელებ პოლიტიკური მომავლისთვის ბრძოლას”. ამის შესახებ პარლამენტის თავმჯდომარემ, “რესპუბლიკელების” ყოფილმა ლიდერმა დავით უსუფაშვილმა, ტელეკომპანია “იმედზე”, გადაცემა “ქრონიკის” ეთერში ისაუბრა.
“საზოგადოებამ შესაძლოა ყველა კითხვაზე ამომწურავი პასუხი ვერ მიიღო, თუ რა მოხდა და რატომ მოხდა. მე ვარჩევ, რომ ზოგიერთ კითხვაზე პასუხი დარჩეს გაუცემელი, ვიდრე დეტალურად ვისაუბრო პარტიაში ბოლო დროს განვითარებულ მოვლენებზე. გადავწყვიტე, რომ ამ ვითარებაში პარტიიდან წასვლა იყო უფრო ნაკლები ზიანი ჩვენთვის. ისევე, როგორც ყველა სხვა პოლიტიკურ ჯგუფში, არჩევნების შემდგომ დადგა ეტაპი,რომ გაგვეანალიზებინა წარსული შეცდომები და დაგვეგეგმა მომავალი. პარტიაში მსგავსი საუბრების წარმართვის შესაძლებლობა აღარ იყო, ხანძარს გაყრა ვარჩიე. რესპუბლიკური პარტია ოპოზიციაშია, აგრძელებს თავის ხაზს და გეზს. ჩვენ ოპოზიციაში ვიყავით, დღესაც ვართ და ხვალაც ვიქნებით. პარტიის პრესტიჟი და ავტორიტეტი გვავალდებულებდა, რომ ამ არჩევნებში პარტიას წარმატებებისთვის მიეღწია. პარტიის მთელი ხიბლი იყო,რომ ხედვები გვქონდა ინდივიდუალური.სამწუხაროდ უკვე ამ ხედვების შეჯერების არეალი და ატმოსფერო შეიზღუდა. ისინი ვინც რჩებიან, აგრძელებენ ქვეყნის სამსახურს.
დამიგროვდა საკმარისი გამოცდილება, ვიცი ის ნიუანსები, რომელიც ბევრს არამნიშვნელოვნად მიაჩნია. უახლოესი 2-3 თვის განმავლობაში მედიას ნაკლებად შევხვდები, მექნება ინტენსიური ანალიზი. პოლიტიკა არ არის მოკლევადიან დისტანციაზე სირბილისთვის ადამიანების ასპარეზი,ეს არის მარათონული საქმე. საპარლამენტო არჩევნები 2020 იქნება გადამწყვეტი ყველასთვის, ვისაც პოლიტიკური საქმიანობა უნდა. საჭიროა გაზაფხულზე გამოჩნდეს გუნდი,რომელშიც ჩემს თავს დავინახავ.
ჩვენ ვაგრძელებთ პრაქტიკას, რომ ქვეყანაში ცვლილებები ხდება მხოლოდ იმ ფონზე,როდესაც ცის კაბადონზე გმირები გამოჩნდებიან. ჩვენ ვართ ნორმალური ხალხი და ნორმალური საზოგადოება. ამ დროს ყველა სხვა ინსტიტუტთან ერთად არსებობენ სხვა პოლიტიკური პარტიებიც, მათ შორის ოპოზიცია. შესაძლოა ბევრი ჩვენი შედეგით უკმაყოფილო და იმედგაცრუებულია, თუმცა ჯობს შეეგუონ. პოლიტიკური ხედვის დეფიციტი გაჩნდა. სამწუხაროდ ქართული ოცნების ლიდერების ხედვა აღმოჩნდა სხვაგვარი, მათ დაუშვეს იმავე ტიპის შეცდომა, რაც მიხეილ სააკაშვილმა.თითქოს აღარ გვჭირდება დისკუსიები. მაგალითად პარლამენტის საქმიანობის ეფექტურობის მინიმუმ 25 %-ია დაკარგული იმით, რომ პარლამენტარები 4 წელი მუდმივად გზაში იყვნენ,” – განაცხადა დავითუ სუფაშვილმა.
მანანა ღოღობერიძე
