“ჩვენ საქმე გვაქვს სისტემურ პრობლემასთან. ქვეყანას არ აქვს რისკის მართვის და თავიდან აცილების მექანიზმები. საერთოდ დარგი არის საფრთხის წინაშე”. ვარძის მონასტერში მომხდარ ფაქტთან დაკავშირებით ხელოვნებათმცოდნე მარინე მიზანდარმა “რუსთავი 2″-ზე, გადაცემა შაბათის კურიერის” ეთერში ისაუბრა.
“წინასწარ უნდა იყოს ზომები მიღებული. უნდა შეფასდეს რამდენად შესაძლებელია იქ აინთოს სანთელი, ფუნქციონირებდეს მონასტერი. 2013 წელს საპატრიარქოსთან თანამშრომლობით დავიწყეთ ამაზე მუშაობა, რათა ეს მონასტერი ფაქტობივად გადასულიყო ვარძიის ტერიტორიის სიახლოვეს, თუმცა ცალკე, არა ამ ქვაბებში. მას მერე ეს პროცესი შეჩერდა.
რეალურად კულტურული მემკვიდრეობის კანონი მოქმედებს ყველა მოქალაქეზე, კონკორდატი, რომელიც არსებობს სახემწიფოსა და საპატრიარქოს შორის არ გულისხმობს, რომ მთელი ძალაუფლება გადაცემულია საპატრიარქოზე, ეს არის თანამართვა, მართვის პასუხისმგებლობა არის განაწილებული. კონკორდატი არ გულისხმობს, რომ სახელმწიფოს დაბანილი აქვს ხელი საქართველოს ქრისტიანულ მემკვიდრეობაზე. პასუხისმეგებლი არის საქართველოს კუტურისა და ძეგლთა დაცვის სამინისტრო და კულტურული მემკვიდრეობის ეროვნული სააგენტო.
ეს სისტემური პრობლემაა, ძეგლების დაცვის პრობლემას ვაწყდებით საერო არქიტექტურაშიც, ინდუსტრიულ ძეგლებში. საზოგადოებამ უნდა აიღოს თავის თავზე და გააცნობიეროს, ეს არის ყველა ჩვენგანის კულტურული მემკვიდრეობა. გვახსოვს უამრავი პროექტი ძველ თბილისში, თუნდაც საყდრისი, სადაც ხელისუფლება იღებდა ინიციატივას და ფაქტობრივად კანონის უზენაესობის პრინციპს არღვევდა. დაუსჯელობის სინდრომი არის მიუღებელი. უნდა არსებობდეს შეჩერების მექანიზმები,”-განაცხადა მიზანდარმა.
მანანა ღოღობერიძე
