სავაჭრო და გასართობი ცენტრი „თბილისი მოლი“ უკვე ოთხი წელია, რაც ქართველ და უცხოელ სტუმრებს მასპინძლობს. 2012 წელს გახსნილმა ცენტრმა მრავალ საერთაშორისო ბრენდთან გააფორმა ხელშეკრულება და წელიწადში 3 მილიონზე მეტი სტუმარი მოიზიდა.
„ცეკვის ფესტივალი“, „ჯანმრთელობის ფესტივალი“, „საქორწილო ფესტივალი“ ეს მცირე ჩამონათვალია იმ ღონისძიებებისა, რომელსაც „თბილისი მოლი“ მომხმარებლებს ხშირად სთავაზობს.
2016 წელი, ამ მხრივ, სავაჭრო ცენტრისთვის განსაკუთრებული იყო.
„თბილისი თაიმსი“ სავაჭრო ცენტრის მარკეტინგის მენეჯერს ნატა გოგოლაძეს ესაუბრა. ქალბატონი ნატა მიმდინარე წელს პოზიტიურად აფასებს და მომავალი წლის გეგმების შესახებ გვიყვება.
როგორშეაფასებთ 2016 წელს, რამდენად მომგებიანიიყო „ თბილისი მოლისთვის“ფინანსურადეს წელი?
– 2016 წელი იყო განსაკუთრებულად კარგი თბილისი მოლისთვის. იყო მნიშვნელოვანი ზრდა ყველა მონაცემით, როგორიცაა ფინანსური, მომხმარებლის რაოდენობა, ობიექტების რაოდენობა.
თბილისი მოლი ქალაქში მეორე შენობაა მომხმარებლის გამტარიანობის მიხედვით იუსტიციის სახლის შემდეგ. ეს, რა თქმა უნდა, ფინანსურ მონაცემებშიც აისახება და მუდმივად მზარდია.
რაპრობლემები გამოიკვეთა (ბიზნესისკუთხით), რამ იმუშავა ყველაზე უკეთ და თქვენი აზრით, რა იყო მომხმარებლისთვის ყველაზე საინტერესო?
– პრობლემებს ვერ დავარქმევდი, იყო გამოწვევები, გაიხსნა რამდენიმე ახალი სავაჭრო ცენტრი, რამაც თავისთავად უფრო საინტერესო გახადა ყველაფერი. ეს გარკვეული აზარტია, როდესაც იცი, რომ მომხმარებელს უნდა შესთავაზო არა უბრალოდ კარგი, არამედ ყველაზე უკეთესი.
2016 წლის განმავლობაში ჩვენთან მუდმივად ეწყობა ღონისძიებები, სიურპრიზები, როგორიცაა ღამის შოპინგი, მომხმარებლისადმი მადლიერების დღე და სხვა, ამ დღეებში განსაკუთრებული ფასდაკლებები და გათამაშებებია, ხშირად თან ახლავს კონცერტი ან დისკოთეკა, ეს მომხმარებელს ყოველთვის მოწონს.
ასევე დავამატეთ ბევრი გასართობი ობიექტი. რამაც მომხმარებლის მოლში ყოფნის დრო ბევრად გაახანგრძლივა. ხშირად აქ სრულ დღეს ატარებენ ოჯახებით. როდესაც შესაძლებელია ერთ შენობაში შოპინგი, კვება, გართობა, ბავშვის დატოვება საიმედო ხელში, ფილმის ყურება და ყველა ასაკზე მორგებული სურვილების დაკმაყოფილება მთელი დღეც უცბად გადის.
რას გეგმავთ მომავალ წელს, როგორია თქვენი სამომავლო გეგმები, აპირებთ თუ არა მაღაზიების დამატებას და ახალი ინვესტიციების განხორციელებას?
მომავალ წელს აუცილებლად დაემატება ახალი ობიექტები.
„თბილისი მოლში“ 2017 წლის პირველ ნახევარში 10-ზე მეტი ობიექტი გაიხსნება. ამ ეტაპზე უმრავლესობასთან ხელშეკრულებები დადებულია და სარემონტო სამუშაოები მიმდინარეობს.
ვარკეთილში „ჰუალინგის“ საერთაშორისო სავაჭრო ცენტრი იხსნება, როგორ შეაფასებთ სამომავლოდ კონკურენციის თვალსაზრისით,ცენტრის გახსნას?
– კონკურენციას მხოლოდ მივესალმებით. მიხარია რომ ქალაქი ვითარდება გაშლილად და არა ცენტრალიზებულად, რა ტენდენციებიც ადრე იყო. განვლილმა წელმა გვაჩვენა, რომ მომხმარებლის ლოიალურობა არის ძალიან მაღალი და მიუხედავად ბევრი ალტერნატივისა ეწვიონ მაღაზიებს სახვადასხვა ცენტრში ისინი სწორედ თბილისი მოლს ირჩევენ. ასევე მგონია, რომ თბილისი საკმაოდ დიდი ქალაქია იმისთვის რომ 4-5 სავაჭრო ცენტრი სრული დატვირთვით ფუნქციონირებდეს.
ნათია კეკენაძე
