სცენარისტი და საქველმოქმედო აქციის – ,,ჩვენ თვითონ მივხედოთ ერთმანეთს“ წარმომწყები, აკა სინჯიკაშვილი სოციალურ ქსელში ჟურნალისტებისადმი მიმართვას აქვეყნებს:
,,რაც მე დღე და ღამე ამბებს ვხედავ, აქ ვერ ვწერ ხოლმე ყველაფერს, იმიტომ, რომ ან თემას სცდება, ან არ მინდა გული გაგიხეთქო. მე რომ წესიერად ფოტოს გადაღება ვიცოდე და წესიერი საწერი სივრცე მქონდეს, აი, კვირა ისე არ გავა 2-ჯერ მაინც არ გადაგრიოთ უცნაური ამბებით ღამისა და დღის თბილისიდან, რეგიონებში უცნაური ადგილებიდან, უუცნაურეს ხალხზე, ფილმში რომ ვერ ნახავთ ისეთ მაგარ ამბებზე. რამდენჯერ სხვისთვის დამიძახია, თვალს არ ვუჯერებდი. მაგიტომ ვბრაზდები ხოლმე ჟურნალისტებზე, ამ სულელ ხალხზე რომ წერენ ხოლმე მარტო, ვინ რა გაიდიდა და ვინ რამდენჯერ ჩაახველა ჭამის დროს. აი, მილიარდი საინტერესო ამბავი ხდება მთელს ქვეყანაში ამ დამპალი პოლიტიკისა და უტვინოსახიანი ხალხის ცხოვრებაში ჩხრეკის გარდა და თუ გიყვართ თქვენი პროფესია, მარტო წამყვანობაზე ნუ ოცნებობთ და ცოტა ხალხში გაერიეთ, რა<3 გეფიცებით, ყველაფერში მოგეხმარებით. 3 ქვეყანას გაუკეთებთ იმხელა საქმეს, რომ მთელი ცხოვრება იამაყებთ თქვენი პროფესიით.”
