საქართველოს ჯანდაცვის სამინისტრო ეხმაურება მედიით გავრცელებულ ინფორმაციას, რომლის მიხედვითაც, ბორჯომში მამაკაცის თვითმკვლელობის ფაქტი შესაძლოა, სამსახურიდან გათავისუფლებას ან მეუღლის მკურნალობის ხარჯებს უკავშირდებოდეს.
“გაზეთ “რეზონანსში” გამოქვეყნებული ინფორმაციის გადამოწმების მიზნით, ჯანდაცვის სამინისტრო დაუკვაშირდა, როგორც ადგილობრივ თვითმმართველობას, ისე გარდაცვლილი მამაკაცის ოჯახს. ორივე მხარე საუბარში უარყოფს გავრცელებულ ინფორმაციას, რომ თვითმკვლელობის შესაძლო მიზეზი სამსახურიდან გათავისუფლება ან მეუღლის მკურნალობის ხარჯების უქონლობა გახდა. როგორც ოჯახის წევრი აცხადებს, მას დედის სამედიცინო მომსახურება სრულად დაუფინანსდა, როგორც საყოველთაო ჯანდაცვის პროგრამის ფარგლებში ( 6878 ლარი), ასევე ადგილობრივი თვითმმართველობის მიერ ( 3500 ლარი). ოჯახი არ ადასტურებს გარდაცვლილის სამსახურიდან დათხოვნის ფაქტსაც”,-ნათქვამია ჯანდაცვის სამინისტროსგანცხადებაში.