აშშ–ის პრეზიდნეტმა დონალდ ტრამპმა განაცხადა, რომ „მტკიცედ დაუჭერს მხარს ნატოს“. ამის შესახებ თეთრი სახლის ვებგვერდზე გამოქვეყნებულ განცხადებაშია ნათქვამი.
ცენტრალურ სამხედრო სარდლობაში გამოსვლისას ტრამპმა განაცხადა, რომ აშშ „მტკიცედ უჭერს მხარს ნატოს“. „ჩვენ მხოლოდ იმას ვითხოვთ, რომ ყველა წევრმა სრულად და პროპორციულად შეიტანონ თანხა ალიანსში“, – თქვა ტრამპმა. მისივე თქმით, ბევრი ქვეყანა არ აკეთებს ამას, რაც უსამართლობაა აშშ–თან მიმართებაში.
იანვარში ტრამპმა ნატოს „მოძველებული ორგანიზაცია“ უწოდა და აღნიშნა, რომ ალიანსი არ არის დაკავებული ტერორიზმთან ბრძოლით. მან ისიც დაიჩივლა, რომ ზოგიერთ ქვეყანას არ შეაქვს ალიანსში თავისი მშპ–ის 2%.
ნოემბერში ტრამპმა ისიც აღნიშნა, რომ აშშ ძალიან ბევრ ფულს ხარჯავს ალიანსის შესანახად. ამის საპასუხოდ ალიანსის გენერალურმა მდივანმა იენს სტოლტენბერგმა სტატია გამოაქვეყნა, სადაც დონალდ ტრამპს სთხოვდა, არ გასულიყო ალიანსიდან. ამ სტატიაში სტოლტენბერგმა აშშ–ისა და ევროპისთვის ყველაზე დიდ საფრთხეებად რუსეთი, ჩრდილოეთ აფრიკა და ახლო აღმოსავლეთი დაასახელა.
