რომელია წლის ყველაზე მოთხოვნადი სუნამოები?

პარფიუმერიულ საშუალებათა შორის ერთ-ერთ გამორჩეულ ადგილს სუნამო იკავებს. განსხვავებით სხვა საშუალებებისაგან, სუნამო ყველა სქესისა თუ ასაკის წარმომადგენლებში პოპულარულია. უნდა ითქვას, რომ ყოველ ადამიანს საკუთარი ნიშა აქვს და ამის განმაპირობებელი ფაქტორი ხშირად სურნელი შეიძლება გახდეს. გარკვეულ დისტანციაზე მყოფი ადამიანის სუნამოს სურნელმა შეიძლება პიროვნების ვინაობაც კი მიგახვედროს. ნათქვამია: „ადამიანს ტანსაცმელი ალამაზებს, სუნამო კი მის სულიერებას ავლენსო“. მომხმარებლები, ხშირად, სუნამოს სურნელს სეზონურად არჩევენ, ამბობენ, ყოველ სეზონს თავისი დამახასიათებელი სურნელი აქვსო.

ისევე როგორც სხვა ქვეყნებში, საქართველოშიც  სუნამო ერთ-ერთ გაყიდვად პარფიუმერიად ითვლება. იმის გასარკვევად, თუ რომელია ქართველთა რჩეული სუნამოები და ზოგადად როგორია წლევანდელი ტრენდი, რამდენად მოთხოვნადია საბავშვო ხაზი და რა ფასებშია სუნამოთა შეძენა შესაძლებელი, „თბილისი თაიმსი“ ცნობილ პარფიუმერიულ მაღაზიათა ქსელს: „ისი პარსა“ და „ლუტეციას“ დაუკავშირდა.

ისი პარი: „ქალების ყველაზე მოთხოვნადი სუნამოებია: Chanel “ Chance”; Narciso Rodriguez “ For Her”; Cartier “ La Panther”. მამაკაცების: Chanel “ Blue de Chanel”; Narciso Rodriguez “ For Him”; Hermes “Terre de Hermes.“

ასევე გვაქვს საბავშვო ხაზიც, რომელიც თავის ასაკობრივ სეგმენტში მოთხოვნადია. გვაქვს შემდეგი სუნამოები: Iron Man; Capitan America; Frozen; Cindarella.  და მათი ფასები  28 ლარიდან იწყება, მაქსიმალური ფასი კი 51 ლარია. ხოლო, რაც შეეხება ზოგადად ნებისმიერი სუნამოს ფასს, 20 ლარიდან იწყება და მაქსიმალური ფასი 600 ლარი გახლავთ.

ჩვენს მაღაზიათა ქსელს ცნობილი სახეები და პოლიტიკოსებიც სტუმრობენ.  ზოგადად, არჩევანს ყველაფერზე აკეთებენ, განსაკუთრებით შეგვიძლია გამოვყოთ – „Chanel“. რაც შეეხება კონკურენციას, ბაზარზე მართლაც არის, თუმცა კონკურენტებიც ვართ, მაგრამ პარტნიორული ურთიერთობებიც გვაქვს, ანუ ჯანსაღი კონკურენცია გვაქვს. კონკურენტები არიან : „Voulez-Vous“ და „Lutecia“. მომხმარებელი ჩვენი ქსელისგან მუდმივ სიახლეებს უკვე მიჩვეულია, ამიტომაც გაზაფხული საინტრესო აქციებით ძალიან დატვირთული იქნება, განსაკუთრებით 1- დან-10  მარტის ჩათვლით.“

ლუტეცია: „კონკრეტულად ერთ რომელიმე არომატს ვერ გამოვარჩევთ. ზოგადად, ნიშ პარფიუმერია, არა მხოლოდ საქართველოში, არამედ მთელს მსოფლიოში ძალიან ტენდენციურია. ნიშ ბრენდებში იგულისხმება ისეთი ბრენდები, როგორიცაა  CREED, INITIO, PENHALIGONS, TF PRIVATE BLEND, PARFUMS DE MARLY  და სხვა. მათი უმრავლესობა ექსკლუზიურად მხოლოდ ჩვენს ფილიალებშია წარმოდგენილი. ასევე, თითქმის ყველა ნიშ არომატი უნისექს არომატია.

გვაქვს სხვადასხვა ბრენდების საბავშვო ხაზები, არჩევანის მრავალფეროვნება ძირითადად 0-დან 13 წლამდე ბავშვებისთვისაა. ასევე, ჩვენს ფილიალებშია სასაჩუქრე ნაკრებები, როგორც    ბიჭებისთვის, ასევე გოგონებისთვის. საბედნიეროდ, საქართველოში საბავშვო ბრენდებს, თავისი ერთგული უამრავი მომხმარებელი ჰყავს. გვაქვს დიდი არჩევანი და ყველა სეგმენტზე მორგებული, როგორც სუნამოები, ასევე დეკორატიული და მოვლის საშუალებები. რამდენადაც გასაკვირი არ უნდა იყოს, ჩვენს ქსელში ნახავთ პროდუქტს, რომელიც 3 ლარი ღირს.

რაც შეეხება მომხმარებლებს, უამრავი ცნობილი მომხმარებელი გვყავს და, რა თქმა უნდა,  მათ შორის პოლიტიკოსებიც არიან. მათ საყვარელ სუნამოს ზუსტად ვერ გეტყვით, რადგან ეს  მათ გემოვნებაზე,  ასაკზე, მათ მატერიალურ მდგომარეობასა და სეზონზეც კი არის დამოკიდებული, რადგანაც ყველა სეზონს თავისი შესაბამისი, აქტუალური სურნელი აქვს. პარფიუმერიის ბაზარზე საღი კონკურენციაა. გვყავს ორი მთავარი კონკურენტი. რა თქმა უნდა, წლის განმავლობაში უამრავლი სიახლე გვექნება, იქნება ბევრი სიურპრიზები და სასიამოვნო აქციები, მომხმარებლის დღეები. ბევრი საინტერესო და მომხმარებლებისთვის საყვარელი ბრენდების ჩვენს ქსელში შემოტანა იგეგმება. რაც შეეხება უახლოეს გეგმას, ამ ეტაპზე ძალიან კარგი შეთავაზება ვალენტინობისთვის გვექნება, შემდგომში კი 3-8 მარტისთვის“.

„თბილისი თაიმსი“  მაღაზიათა ქსელ, „ვულე ვუ-საც“ დაუკავშირდა, თუმცა მათ ჩვენს კითხვებზე პასუხის გაცემისგან თავი შეიკავეს.

 ნინო ზარიძე