„არ მოსწონთ ის, რომ ამ ნახევრად გამჭვირავლე სისტემაში თანხები იხარჯება ასევე არაგამჭვირვალედ და ბუნებაში არაფერი იკარგება. არ მოსწონთ, რომ ამ გადაწყვეტილებით ჩერდება არამიზნობრივი, თვეში მილიონი ლარის კარგვის მრიცხველი“. ჯანდაცვის სამინისტროს დადგენილებას, კერძო დაზღვევის ბენეფიციარებისთვის საყოველთაო ჯანდაცვის პაკეტის გაუქმების შესახებ, კერძო სადაზღვევო კომპანიები აპროტესტებენ. ჯანდაცვის უწყების დადგენილების დეტალებზე, ჯანდაცვის მინისტრმა დავით სერგეენკომ, „რუსთავი 2“–ზე, გადაცემა „კურიერის“ეთერში ისაუბრა.
„არ მოსწონთ ერთადერთი რამ და რეალური მიზეზი, ეს არ არის მთლიანი სადაზღვევო ინდუსტრიის პოზიცია, ეს არის რამდენიმე ადამიანის პოზიცია. ნებისმიერი განცხადება, იქნება ეს სადაზღვევო ასოციაციისგან თუ რომელიმე სხვა ინსტიტუციისგან, რომ სახელმწიფოს მიერ გადადგმული ნაბიჯები ანადგურებს და აკნინებს პაციენტების ან სადაზღვევო ინდუსტრიის ინტერესებს, არის უადგილო. ეს საქმეში ჩაუხედაობით და დაუნახაობით შეიძლება იყოს გამოწვეული.
იმ ნაბიჯებმა,რომელიც სახელმწიფომ ბოლო ოთხი წლის განმავლობაში გადადგა, იმისათვის რომ რეალურად მძიმე მდგომარეობაში მყოფი სადაზღვევო ინსტიტუტისთვის, უმძიმესი ტვირთი ჩამოეხსნა და თავის თავზე აეღო, ამისი არ დანახვა მიუღებელია.
რაც შეეხება კონსულტაციებს, ჩვენ ეს 2015 წლის შემოდგომიდან გვაქვს დაწყარსებიბს. ჩვენ გვაქვს სამი სამუშაო ვარიანტი გამზადებული, რომელიც იქნება, პაციენტის საჭიროებაზე და ყველა პარტნიორის ინტერესზე მორგებული.
ჯანდაცვის სამინისტროს ბიუჯეტი მიმართული არის საქართველოს მოქალაქეების ჯანმრთელობაზე და არა რაიმე ინდუსტრიის განვითარებაზე. ამისთვის სხვა ბიუჯეტი არსებობს. 115 ათას ადამიანს, რომელთაც ჰქონდათ კერძო დაზღვევა 2013 წელს, შემდგომ დაკარგეს რაიმე მიზეზით და ვერ მიიღეს საყოველთაო პაკეტი, ეს 115 ათასი დისკრიმინირებული ადამიანი დაუყოვნებლივ, რამდენიმე დღეში მიიღებს საყოველთაო დაზღვევას,“–განაცხადა სერგეენკომ.
მანანა ღოღობერიძე
