საქართველოს ენერგეტიკისა და წყალმომარაგების მარეგულირებელი ეროვნული კომისია სატარიფო პოლიტიკის გადახედვას იწყებს. „სემეკი“ კერძო კომპანიების სატარიფო განაცხადების განხილვას რამდენიმე დღეში დაიწყებს. საკითხზე ანალიტიკური ცენტრის, „მსოფლიო გამოცდილება საქართველოსთვის“ დირექტორმა, მურმან მარგველაშვილმა, ტელეკომპანია „მაესტროზე“, გადაცემა „ბიზნეს კონტაქტის“ეთერში ისაუბრა.
„ტარიფში არის ორი კომპონენტი, ერთი არის გამანაწილებელი კომპანიის წილი, რომელიც თავის კაპიტალურ ხარჯებს ასახავს, მეორე ნაწილი არის გაზის შესყიდვის ღირებულება. ხშირად მომხმარებლების გულისწყრომას ვიმსახურებთ,როდესაც ვამბობთ რომ ეს ტარიფი რეალურ ღირებულებას არ ასახავს. ჩვენ ვიხდით სუბსიდირებით, ბიუჯეტით, მიუღებელი შემოსავლებით, ამიტომ ჯობს ვინც მოიხმარს ის იხდიდეს და თანხა არ მიდიოდეს საერთო ხარჯებიდან.
საბოლოოს ეს ყველაფერი ტარიფში უნდა აისახოს და გასწორდეს. ჯანსაღი რეგულირება არის იმის საწინდარი, რომ სექტორი ქვეყნის ეკონომიკა უფრო განვითარდება. მოსახლეობისთვის იაფი მიწოდების გამო, ორგანიზაციები იხდიან მეტს. ეს მათსავე სამუშაო ადგილებზე ახდენს გავლენას,“–განაცხადა მურმან მარგველაშვილმა.
მანანა ღოღობერიძე
