20, 21, 27 აპრილს და 4 მაისს, 19:00 საათზე, საქართველოს სახელმწიფო ოპერის თეატრში „კარმენის“ პრემიერა გაიმართება.
საიუბილეო 165-ე სეზონზე ჟორჟ ბიზეს ოპერა ლევან წულაძემ დადგა. მაყურებელი იხილავს რეჟისორისახლებულ ხედვას, „კარმენს“, სადაც ახალი სცენოგრაფიისა და კონცეფციის მიხედვით, მოქმედება კუბაზეა გადატანილი – თავისუფლების მოყვარული ბოშა ქალი თავისუფლების კუნძულზე; ჰაბანერა ჰავანური სიგარების ბოლში;მიამიტი ჯარისკაცის სულისშემძვრელ დრამად ქცეული კომიკური ოპერა და ჟორჟ ბიზეს მომნუსხველი მუსიკა…
„კარმენი“ ლევან წულაძის დებიუტია საოპერო ჟანრში და საქართველოს სახელმწიფო ოპერის თეატრში. სპექტაკლის სცენოგრაფი – ირაკლი ავალიანი, კოსტიუმების მხატვარი -პოლინა რუდჩიკი, დამდგმელი დირიჟორი – ზაზა აზმაიფარაშვილი, ქორეოგრაფი გია მარღანია. სპექტაკლში მონაწილეობენ: თბილისის ოპერისა და ბალეტის თეატრის წამყვანი სოლისტები, გუნდი, საბალეტო დასი და ორკესტრი.
20 აპრილს კარმენის პარტიას შეასრულებს მსოფლიოში ერთ-ერთ საუკეთესო კარმენადაღიარებული ქართველი მეცოსოპრანო – ანიტა რაჭველიშვილი.
მომღერალს პარტნიორობას გაუწევენ: გერმანიიდან მოწვეული ტენორი – გიორგი ონიანი(დონ ჟოზე, დრაგუნების კაპრალი), თბილისის ოპერის თეატრის წამყვანი სოლისტები – ნიკოლოზ ლაგვილავა(ესკამილიო, ტორეადორი), ირინა თაბორიძე (მიკაელა, სოფლელი გოგონა),თამაზ საგინაძე(დანკაირო, კონტრაბანდისტი), ასევე,ნინო ჩიჩუა(ფრასკიტა, კარმენის მეგობარი, ბოშა) და ოპერის სტაჟორები:ირაკლი მუჯირი(დანკაირო, კონტრაბანდისტი), ნუცა ზაქაიძე (მერსედესი, კარმენის მეგობარი, ბოშა), გიორგი ჭელიძე (ლეიტენანტი ზუნიგა) და ლაშა სესიტაშვილი (ოფიცერი მორალესი).
21 აპრილს, თეა დემურიშვილი იმღერებს კარმენის პარტიას და მასთან ერთად ოპერის თეატრის წამყვანი სოლისტები: ანზორ ხიდაშელი (დონ ჟოზე, დრაგუნების კაპრალი), კახაბერ თეთვაძე (ესკამილიო, ტორეადორი), ხათუნა ჭოხონელიძე (მიკაელა, სოფლელი გოგონა), ასევე სოლისტები: ირა იოსებიძე-მამალაძე (ფრასკიტა, კარმენის მეგობარი, ბოშა), ელენე ჯანჯალია (მერსედესი, კარმენის მეგობარი, ბოშა)და სტაჟორები: ირაკლი მუჯირი (დანკაირო, კონტრაბანდისტი), ალექსანდრე დეკანოიძე (რემენდადო, კონტრაბანდისტი), გივი გიგინეიშვილი (ლეიტენანტი ზუნიგა) დაგიორგი წამალაშვილი (ოფიცერი მორალესი).
27 აპრილს, ნანა ძიძიგურის დებიუტი შედგება კარმენის პარტიით. ოპერის სოლისტს პარტნიორობას გაუწევენ მოწვეული ტენორი – გიორგი ონიანი (დონ ჟოზე, დრაგუნების კაპრალი) და ოპერის წაყვანი სოლისტი – ნიკოლოზ ლაგვილავა (ესკამილიო, ტორეადორი), ასევე, ნინო ჩიჩუა (ფრასკიტა, კარმენის მეგობარი, ბოშა) და ოპერის სტაჟორები: თინათინ მამულაშვილი (მიკაელა, სოფლელი გოგონა), ირაკლი მუჯირი (დანკაირო, კონტრაბანდისტი), ალექსანდრე დეკანოიძე (რემენდადო, კონტრაბანდისტი), ნუცა ზაქაიძე (მერსედესი, კარმენის მეგობარი, ბოშა),გიორგი ჭელიძე (ლეიტენანტი ზუნიგა) და ლაშა სესიტაშვილი (ოფიცერი მორალესი).
ჟორჟ ბიზეს უკვდავი ოპერა „კარმენის“ პრემიერა 1875 წელს, პარიზში,Opera Comique-ისსცენაზე შედგა. თბილისის ოპერის თეატრში „კარმენი“ზუსტად 10 წლის შემდეგ, 1885 წელს დაიდგა. სპექტაკლმა დიდი წარმატება მოიპოვა,იმთავითვე დაიმკვიდრა ადგილი ჩვენი საოპერო თეატრის სცენაზე და მას შემდეგ კიდევ არაერთი ვერსია დაიდგა.
მსოფლიო საოპერო სცენების ბოლო 5 წლის სტატისტიკით „კარმენი“ მსოფლიოში ყველაზე პოპულარული და ხშირად დადგმული ოპერაა.
