„მთავარი პრობლემა არის მართვის მოწმობის აღებასა და განათლების პრობლემაში. მომრავლდა ისეთი ავტოსკოლები, რომლებიც ამზადებენ თაღლითურად, მაგალითად, მართვის მოწმობა სამ დღეში“. ამის შესახებ საქართველოს ტრანსპორტის და გზების ასოციაციის თავმჯდომარემ, თავით მესხიშვილმა „რუსთავი 2“-ზე, გადაცემა „კურიერის“ ეთერში ისაუბრა.
„ხრიკებით ამზადებენ და ვიღებთ სურათს, რომ მართვის მოწმობა აქვს ადამიანს, რომელსაც არ აქვს ცოდნა, არც თეორიულ და არც პრაქტიკულ ნაწილში. ეს პრობლემა მოდის ავტოსკოლებიდან.
მოკლევადიან პერსპექტივაში ეს ცვლილებები დადებით შედეგს მოგვცემს, მაგრამ მხოლოდ ეს არ არის საკმარისი, რომ გზებზე შევამციროთ ავტოსაგზაო შემთხვევები. გარდაცვლილების რაოდენობა 2016 წელს 600-მდე იყო, ტრავმირებულია 10 ათასამდე ადამიანი. ეს არის ევროპაში ყველაზე უარესი მაჩვენებელი. ევროპაში ამ საშინელი მაჩვენებლით პირველ ადგილზე ვართ და ეს არის კატასტროფა. ამ მიმართულებით გარკვეულ დადებით ცვლილებს იქონიებს, მაგრამ არა ხანგრძლივ პერსპექტივაში.
ევროპაში ამ მხრივ მოწესრიგებულია, რომ ავტოსკოლა არის ყველგან ლიცენზირებული. ჩვენთან ინსტრუქტორების ნაწილს თავად არ აქვს მართვის მოწმობა. მოდელი უნდა მოწესრიგდეს. უნდა დაინერგოს ლატვიის, ან ისრაელის, გერმანიის ან ევროკავშირის სხვა ქვეყნის მოდელი, რომელიც ორიენტირებულია განათლებაზე“ , – განაცხადა დავით მესხიშვილმა.
მანანა ღოღობერიძე
