„ლე პენი ამბობს, რომ მე გამოვიყვან საფრანგეთს ევროპიდან. რადგან საფრანგეთი ევროკავშირში ერთ-ერთი ყველაზე მნიშვნელოვანი ქვეყანაა და ეს იქნება კატასტროფა, ამით დასრულდება ევროკავშირი“ . საფრანგეთის საპრეზიდენტო არჩევნების მნიშვნელობაზე და კანდიდატების მეორე ტურში გამარჯვების შანსებზე, ჟურნალისტმა, „ფრანს 24“-ის საერთაშორისო ამბების ბლოკის ხელმძღვანელმა რობერტ პარსონსმა ტელეკომპანია „იმედზე“, გადაცემა „იმედის დროს“ ეთერში ისაუბრა.
„როგორც ჩვეულებრივად, საფრანგეთში საპრეზიდენტო არჩევნებზე მოსალოდნელი მაღალი აქტივობაა, 80 %-ზე მეტი. ლე პენის ინტერესებშია, რომ დაბალი იყოს აქტივობა, მაგრამ მას დიდი შანსი აქვს,რომ გავიდეს მეორე ტურში. ეს არჩევნები როგორც არასოდეს ფრანგებისთვის ისე მნიშვნელოვანია. ეს საფრანგეთისთვის და ევროპისთვს შესაძლოა კატასტროფული იყოს.
ლე პენი ძალიან აშკარად იძახის, რომ გამოიყვანს საფრანგეთს ნატო-დან და ასევე ევროკავშირიდან. ტრამპი და ლე პენი რაღაცით გვანან ერთმანეთს. ორივე გლობალიზაციის წინააღმდეგია,ასევე ორივე ემიგრაციის წინააღმდეგ არის, ორივე პოპულისტია. საუბრობენ იდენტიფიკაციის პრობლემებზე, მეობაზე, მაგრამ მაინც განსხვავდება ლე პენის პოზიცია დონალდ ტრამპისაგან.
მაკრონს დიდი მხარდაჭერა აქვს საფრანგეთში, თუმცა არ მგონია რომ ამ არჩევნებში რუსეთის ფაქტორი დიდ როლს თამაშობს. ძიითადი პრობლემებია ემიგრაცია და ყველაზე დიდია უმუშევრობა, ეკონომიკა. მეორე ტურში სავარაუდოდ მაკრონი მოიგებს, ლე პენის პრობლემა ის არის, რომ გარკვეული წრე აქვს მხარდამჭერების, მაგრამ ცდილობს გაზარდოს ეს ბირთვი და ვერ ახერხებს. დაახლოებით 60 %-ს მოიპოვებს ემანუელ მაკრონი“ , – განაცხადა რობერტ პარსონსმა.
მანანა ღოღობერიძე
