საქართველოს კულტურისა და ძეგლთა დაცვის სამინისტროს მხარდაჭერით, მიმდინარეობს ფესტივალი „Art-გენი 2017“.
14 ივლისს, 13:00 საათზე, თიბისი გალერეაში ფესტივალის შესახებ პრესკონფერენცია გაიმართება. ღონისძიებას გაუძღვებიან ფესტივალის მხარდამჭერი ორგანიზაციების წარმომადგენლები.
წელს „Art-გენი 2017“ 10 ივლისს სურამში, ბაიანთხევის ტყე-პარკში რეგიონული ტურნეთი გაიხსნა და 12 ივლისს მცხეთის ახალ ნავსადგურში გადაინაცვლა.
Art-გენი 2017 – ის თბილისის ტური კი, 17-24 ივლისს ტრადიციულად, გიორგი ჩიტაიას სახელობის ეთნოგრაფიულ მუზეუმი გაიმართება. წელს ფესტივალი მაყურებელს საინტერესო სიახლეებს სთავაზობს. გარდა მრავალფეროვანი მუსიკალური პროგრამისა, ფესტივალის ფარგლებში, ეთნოგრაფიულ მუზეუმში, ერთი კვირის განმავლობაში წარმოდგენილი იქნება ქართული ტრადიციული რეწვის სხვადასხვა გამოფენა; რეგიონების ფოლკლორული ანსამბლების კონცერტები და „შავფაროსნების“ საჩვენებელი შოუ, ქართული სამზარეულო და სხვა. ფესტივალი იმართება პროექტ „Check in Georgia”-ს ფარგლებში.
17-24 ივლისი, თბილისის ტურის პროგრამა:
17 ივლისი – სოფი ვილი
18 ივლისი – Asea Sool
19 ივლისი – რობი კუხიანიძე და ჯგუფი „აუთსაიდერი“
20 ივლისი – ჯგუფი „რეგიონი“
21 ივლისი – ჯგუფი „ფრანი“
22 ივლისი – ნინო ქათამაძე და ჯგუფი „ინსაითი“
23 ივლისი – ნიაზ დიასამიძე და ჯგუფი „33ა“
24 ივლისი – ანსმაბლ „სუზიშვილების კონცერტი.
