სურსათის ეროვნულმა სააგენტომ ბუდაპეშტის ქუჩაზე ვადაგასული სურსათის რეალიზაციის ფაქტები გამოავლინა.
სურსათის ეროვნული სააგენტოს ცნობით, ვადაგასული სურსათი სააგენტოს თბილისის სამმართველოს წარმომადგენლებმა ბუდაპეშტის ქუჩაზე მდებარე ორ მარკეტში _ შპს “ბუბუ” და ი/მ “დიანა ჭაბუკაშვილი”, ამოიღეს.
“შემოწმებისას დადგინდა, რომ დახლებზე სარეალიზაციოდ სხვადასხვა დასახელების კარაქი, იოგურტი, მარგარინი, ბლინი და სხვა პროდუქტები იყო გამოტანილი. ამოღებული პროდუქცია დაილუქა და უახლოეს დღეებში განადგურდება. სურსათის ეროვნული სააგენტო მოუწოდებს მოსახლეობას, სურსათის შეძენისას ყურადღება მიაქციოს ვარგისიანობის ვადას და პროდუქტის შენახვის პირობებს”, – აცხადებენ სააგენტოში.
18.09.13
