„საუდის არაბეთთან გვაქვს უპრეცედენტოდ კარგი თანამშრომლობის დინამიკა. გვაქვს კონკრეტული შეთანხმებები,რომელიც ჯავშანტექნიკის მიყიდვას ითვალისწინებს. რამდენიმე ათეულ ერთეულზეა ლაპარაკი, რაც მილიონობით შემოსავალს გააჩენს საქართველოსთვის“ , – თავდაცვის უსაფრთხოების კონფერენციაზე და ნატო-ს სპეციალური წარმომადგენლის, ჯეიმს აპატურაის მთავარ გზავნილებზე თავდაცვის მინისტრმა ლევან იზორიამ ტელეკომპანია „იმედზე“, გადაცემა „ქრონიკის“ ეთერში ისაუბრა.
„თავდაცვისა და უსაფრთხოების მე-11 კონფერენცია განსაკუთრებუი მნიშვნელობისაა, მაღალი რანგის სტუმრები არიან საქართველოში, მათ შორის ჯეიმს აპატურაი. სპეციალურად ამ კონფერენციისთვის ჩამოვიდა მტკიცე მხარდაჭერის მისიის გენერალი ნიკოლსონი, აქ იყო თურქეთის და ლატვიის თავდაცვის მინისტრები. ინტერესი საქართველოს მიმართ,როგორც ასპირანტი ქვეყნის მიმართ, აღიარებულია მათი თანამონაწილეობით.
აპატურაიმ თავდაცვის რეფორმებს ფუნდამენტური ხასიათის ტრანსფორმაცია უწოდა, აღნიშნა დემოკრატიული ინსტიტუტების პროგრესი და გამოხატა კმაყოფილება. მივიღეთ კონკრეტული გზავნილი მისგან,რომ ღია კარის პოლიტიკა უნდა დარჩეს აქტუალური საქართველოსთვის და ყველა იმ ქვეყნისთვის,ვისაც სურს გახდეს ნატო-ს წევრი. ვისაუბრეთ შავი ზღვის აუზის უსაფრთხოებაზე. ერთ-ერთი განხილვის თემა იყო მეტი პრაქტიკული ინიციატივები, საერთო წვრთნები. ჩვენი მხრიდან დავაფიქსირეთ მზაობა“ , – განაცხადა ლევან იზორიამ.
მანანა ღოღობერიძე
