თვითმმართველობის არჩევნებზე ჩვენ ვირჩევთ დედაქალაქის, 4 თვითმმართველი ქალაქის და 59 თვითმმართველი თემის მერს, ასევე თვითმმართველი ქალაქებისა და თემების 64 საკრებულოს 2 058 წევრს, – ამის შესახებ ცესკოს თავმჯდომარემ თამარ ჟვანიამ 21 ოქტომბრის არჩევნების შუალედური ანგარიშის პრეზენტაციაზე განაცხადა.
თამარ ჟვანიას განცხადებით, თბილისის მერობის 13 კანდიდატი დარეგისტრირდა, 4 თვითმმართველ ქალაქში 38 კანდიდატი იბრძოლებს, ხოლო 59 თვითმმართველ თემში 338 კანდიდატი.
ცესკოს თავმჯდომარის ინფორმაციით, თბილისის საკრებულოს წევრობის 1 243 კანდიდატია დარეგისტრირებული, მათგან 994 არის პროპორციული წესით ასარჩევი, ხოლო 249 – მაჟორიტარული სისტემით.
რაც შეეხება თბილისის გარდა სხვა 63 საკრებულოს, სულ 17 035 კანდიდატი დარეგისტრირდა, აქედან 12 371 პროპორციული სისტემისთვის, ხოლო 4 644 მაჟორიტარულისთვის.
თამარ ჟვანიას თქმით, თვითმმართველობის არჩევნებისთვის 73 საარჩევნო ოლქი და 3 634 საარჩევნო უბანი იმუშავებს.
