„წინა ორი მთავრობის მიერ არის მოჩვეული სახელმწიფო ქონებაზე ბატონი ივანიშვილი. მათ დაიწყეს ამ პიროვნების ეროვნული სიმდიდრით უხვად დასაჩუქრება. სადაც ხელს დაადებდა ყველაფერი მზად იყო მისთვის“ , – ექსპრემიერ ბიძინა ივანიშვილისთვის მიწის ნაკვეთის 1 ლარად გადაცემის შესახებ „ლეიბორისტული პარტიის“ ლიდერმა შალვა ნათელაშვილმა „რუსთავი 2“-ის ეთერში ისაუბრა.
„წინა მთავრობას ეგონა, რომ ივანიშვილი მართლა ქველმოქმედია და უანგაროდ იხდიდა. ვერ გაითვალისწინეს,რომ მსგავსი ოლიგარქები,რომლებიც მგლური წიაღიდან წარმოიშვნენ და იქ იშოვეს პირველადი კაპიტალი, უფასოდ არაფერს იხდიან, სადაც ჩადებენ 10 ლარს, აუცილებლად ამოიღებენ 100 ლარს.
ინვესტიცია არის კანონიერი გზით მოსული კაპიტალი,რომელიც ბანდდება ქვეყნის რომელის დარგში, იქმნება სამუშაო ადგილები და ბიუჯეტში იხდიან გადასახადებს. ეს არის ინვესტიცია? რიდესაც საყრდისი წაგვართვეს, რასაც აშენებს,თავისი კომპანიების, საკუთრების და შვილების ბედნიერებისთვის აკეთებს. ივანიშვილმა ვითომ ჩადო 1 მილიარდი და ამოიღო 20 მილიარდი.
ივანიშვილის მიწის ნაკვეთების რაოდენობა 198-ია და შეადგენს 3 მილიონ კვადრატულ მეტრს, რაც ვატიკანის,როგორც სახელმწიფოს ტერიტორიაზე 8-ჯერ მეტია. არაფრით განსხვავდება გარე და შიდა ოკუპანტი ერთმანეთისგან“ , – განაცხადა შალვა ნათელაშვილმა.
მანანა ღოღობერიძე
