განათლებისა და მეცნიერების მინისტრი ალექსანდრე ჯეჯელავა „აუდიტორია 115“-ს მოუწოდებს არ შეუშალონ ხელი სასწავლო პროცესს.
„როგორც ჩანს, ნაწილს უნდა და მათი მიზანია, რომ რაღაც ძალოვანი მეთოდებით გამოხატონ საკუთარი თავი. მე მოვუწოდებ, ძალიან მინდა ვთხოვო ყველას, რომ არაფერს მოიტანს ეს. ყველა მზად არის მათთან შესახვედრად. მათ იციან, რომ თსუ-ს სტრატეგია მზადდება, ისიც იციან, რომ თვითონაც არიან ჩართულები ამ ფორმატში, ამიტომ ახლა სტუდენტებისთვის, სასწავლო პროცესისთვის და თვითმმართველობის არჩევნებისთვის ხელის შეშლით ვერაფერ უკეთესობას ვერ მიიღებენ, მხოლოდ ათასობით სტუდენტს თავისი კანონიერი უფლების განხორციელებას შეუშლიან ხელს.
მათ რომ ნდომოდათ, გუშინაც მოვიდოდნენ ჩემთან შესახვედრად და არა კორპუსს დაიკავებდნენ, მაგრამ მათი არჩევანია კონკრეტულად ასეთი მეთოდით მოქმედება“,- აღნიშნა ჯეჯელავამ.
„აუდიტორია 11“-ის წევრები გუშინ თბილისის სახელმწიფო უნივერსიტეტის მეექვსე კორპუსში შეიჭრნენ და სტუდენტური თვითმმართველობის დაგეგმილი არჩევნები გააპროტესტეს. სტუდენტები განათლების რეფორმას ითხოვენ და აცხადებენ, რომ საპროტესტო აქციებს არ შეწყვეტენ.
თსუ-ში თვითმმართველობის არჩევნები მიმდინარეობს. სტუდენტებმა უნდა აირჩიონ 140 წვევრი, კანდიდატების რაოდენობა კი 160-ია.
