ლეგენდარული ისლანდიელი მუსიკოსი Björk-ი, თბილისში, ორ სოლო კონცერტს გამართავს, ინფორმაციას SOU festival ავრცელებს.
კონცერტები თბილისის საკონცერტო დარბაზსა და თბილისის ოპერისა და ბალეტის სახელმწიფო თეატრში, საქართველოს ეროვნული სიმფონიური ორკესტრის სიმების თანხლებით, გაიმართება.
თბილისის საკონცერტო დარბაზში კონცერტი 31 ოქტომბერს, 21:00-ზე დაიწყება.
თბილისის ოპერისა და ბალეტის სახელმწიფო თეატრში კი, კონცერტი 3 ნოემბერს, 21:00-ზე დაიწყება. ბილეთების გაყიდვა, ონლაინ საიტ www.tkt.ge-ზე -დღეს, დილის 10 საათიდან დაიწყო. თბილისის საკონცერტო დარბაზისა და ოპერის სალაროებში კი, ბილეთების შეძენა 17 ოქტომბრიდან იქნება შესაძლებელი.
თბილისის საკონცერტო დარბაზში Björk-ის კონცერტის ბილეთის ფასი, 50 ლარიდან – 570 ლარამდე იქნება. ოპერის თეატრში კი, ბილეთები 80 ლარიდან -750 ლარამდე ეღირება.
ნინო ზარიძე
