„პრეზიდენტის ვიზიტი პარლამენტში მნიშვნელოვანი მოვლენაა, ის ისაუბრებს მთელ რიგ საკითხებზე, მათ შორის ქვეყნისთვის პრობლემურ თემებზე და გვექნება დებატების საშუალება და შესაძლებლობა, რომ წამოვწიოთ მნიშვნელოვანი საკითხები“. 7 აპრილს პარლამენტში პრეზიდენტის ყოველწლიური მოხსენების მნიშვნელობის შესახებ, პარლამენტის ვიცესპიკერმა, მოძრაობა „ევროპული საქართველოს“ ერთ–ერთმა ლიდერმა, სერგი კაპანაძემ „ტვ პირველზე“, გადაცემა „პოლიტმეტრის“ ეთერში ისაუბრა.
„ბოლო რამდენიმე თვეა ვითხოვთ,რომ მნიშვნელოვანი მინისტრები მოვიდნენ პარლამენტში. მთავრობის დამტკიცების შემდეგ არც ერთი მინისტრი, არც პრემიერიმინისტრი არ მოსულა და არ გვქონია მათთნ დებატი. ისინი კანონით ვალდებულები არიან, რომ ფრაქციების და უმცირესობის მხრიდან მოთხოვნის შემთხვევაში, წარდგნენ პარლამენტში და კითხვებს უპასუხონ. ისინი ამას არ აკეთებენ, ამიტომ ეს არის შესაძლებლობა, რომ ეკონომიკასთან და საგარეო პოლიტიკასთან დაკავშირებული საკითხები წამოვწიოთ. ეს თემები მოსახლეობასაც აწუხებს.
პრეზიდენტი არ არის ოპოზიციური პოლიტიკური გუნდის წევრი, თუმცა საკმაოდ კრიტიკულია ხელისუფლების მიმართ, ჩვენც ასევე საკმაოდ კრიტიკული ვართ პრეზიდენტის მიმართ. ამიტომ ეს არ იქნება უსაგნო პოლემიკა. მაგალითად მოსმენების კანონთან დაკავშირებით, პრეზიდენტმა ვეტო გამოიყენა, ჩვენ ამ თემაზე კიდევ ერთხელ ვისაუბრებთ, მათ შორის ზოგადად ვეტოს უფლებაზე და პრეზიდენტის არჩევის წესზე. შესაძლოა ეს მისი ერთ–ერთი ბოლო გამოსვლა იყოს და არა უკანასკნელი. თუ შეცვლიან პრეზიდენტის არჩევის წესს, ეს იქნება არჩევითი პრეზიდენტის ბოლო გამოსვლა“ , – განაცხადა სერგი კაპანაძემ.
მანანა ღოღობერიძე
