„შინაგან საქმეთა სამინისტრო ამ პროცესში არის დაინტერესებული მხარე და ეს გვიან გაახსენდათ. როდესაც საქმის გამოძიებას იწყებს პროკურატურა და საქმეში ფიგურირებენ პოლიციელები, შსს სატელევიზიო სიუჟეტებს არ უნდა აქვეყნებდეს“ , – ამის შესახებ თბილისის ყოფილმა პრკურორმა მაია მწარიაშვილმა „ტვ პირველზე“, გადაცემა „დიანა ტრაპაიძის დღის ამბებში“ ისაუბრა.
„მათ თავშივე განგებ თუ გაუფრთხილებლობით დაიწყეს ჩანაწერების გამოქვეყნება გამოძიების დაწყების პარალელურად. შსს-ს ეს ფუნქცია არ აქვს, მითუმეტეს იმ საქმეებზე, რომელსაც პროკურატურა იძიებს. პირველ რიგში სამხრე კამერების ჩანაწერები უნდა ყოფილიყო გავრცელებული და არა დაინტერესებული მოწმეების,რომლებიც არასანდოები არიან. ის მოწმე,რომელიც შსს-მ გამოიყენა, საკუთარი კომენტარის ტყვეა და მოლოდინი გვაქვს,რომ ბოლომდე ის უნდა ამტკიცოს, რაც კომენტარში თქვა.
პროკურატურამ სამწუხაროდ დაამკვიდრა პრაქტიკა, რომ საქმეებზე, რომელზეც მაღალი საზოგადოებრევი ინტერესია, გამოვა პრესსამსახურის წარმომადგენელი და ჩამოგვითვლის რომ პროკურატურამ დაკითხა ამდენი მოწმე, ჩაატარა ექსპერტიზები, რაც არავის აინტერსებს. ჩემი აზრით შსს და პროკურატურა ერთსა და იმავეს საუბრობს, მაგრამ სხვადასხვა სიტყვებით. ჩვენ გვაინტერესებს რატომ იყო გამორთული კამერა და არა ის, თუ როდის გამორთო პატრულ-ინსპექტორმა კამერა. პროკურატურის განცხადება იყო უცნაურობის გათეთრების მცდელობა.
ამ ქვეყანაში პოლიციელის მიერ ჩადენილი დანაშაულის გამოძიება ყოველთვის პრობლემური იყო. გვაქვს გახმაურებულ საქმეებზე ჩანაწერების გაქრობის პრაქტიკა, რომლებსაც წლების განმავლობაში ვეძებდით. ამ საქმის მიმართ ნდობა რომ აღდგეს, ლეგიტიმაციის მაღალი ხარისხით უნდა ვიცოდეთ რატომ იყო გამორთული კამერა და ასევე მნიშვნელოვანია ექსპერტიზის პასუხი,იყო მასალა და წაიშალა თუ არ არსებობდა ჩანაწერი“ , – განაცხადა მაია მწარიაშვილმა.
მანანა ღოღობერიძე
