მუნიციპალური ტრანსპორტით უბილეთო მგზავრობაზე ჯარიმა 5 ლარიდან 20 ლარამდე იზრდება.
“მიუხედავად მთავრობის 2014 წლის 3 იანვრის დადგენილებით ამოქმედებული ტექნიკური რეგლამენტისა, რომლის მიხედვით, მგზავრი ვალდებულია რეგულარულ მარშუტზე მგზავრობისათვის იქონიოს ბილეთი, შეინახოს იგი მგზავრობის დამთავრებამდე და წარუდგინოს უფლებამოსილ პირს მოთხოვნისთანავე, რაც მგზავრს პრაქტიკულად ავალდებულებს მგზავრობის დასაწყისიდანვე იქონიოს სამგზავრო ბილეთი, საკითხი რეალურად დაურეგულირებელია. დედაქალაქში ევროსტანდარტების შესატყვისი ადგილობრივი საქალაქო რეგულარული სამგზავრო გადაყვანის M3-კატეგორიის ახალი ავტობუსების შემოყვანის პროცესის დაწყებას ახალი სისტემის დანერგვა მოჰყვა – მგზავრობის საფასურის ელექტრონული გადახდის საშუალებით გადახა თანდათანობით იმ შედეგეს გამოიღებს , რომ გაჩერების სამგზავრო ბილეთებით დანაგვიანების პრაქტიკა აღმოიფხვრება და ბილეთის ქაღალდზე გასაწევ ხარჯს შეამცირებს“, – ნათქვამია კანონპროექტის განმარტებით ბარათში.
აღნიშნული ცვლილება „ადმინისტრაციულ სამართალდარღვევათა კოდექსში“ შედის, რომელიც პარლამენტს– გარემოს დაცვისა და ბუნებრივი რესურსების კომიტეტის სახელით წარედგინა.
ნინო ზარიძე
