„გიორგი ბარათელს სულ სამჯერ შევხვდი შარშან, ამომწურავად ვისაუბრეთ და კიდევ არაერთხელ შევხვდები. როგორც არ უნდა წავიდეს საქმე ზუსტად ვიცი,რომ მასთან ურთიერთობას გავაგრძელებ“, – ამის შესახებ გურამ შარაძის შვილმა რუსუდან შარაძემ „იბერიას“ ეთერში, გადაცემაში „ცენზურის გარეშე“ ისაუბრა.
„ზუსტად ვიცი,რომ გიორგი ბარათელი არ არის მკვლელი, ის არის მსხვერპლი და ცხოვრების საუკეთესო წლები გაატარა ჯოჯოხეთში ისე,რომ დანაშაული არ ჩაუდენია. უნდოდათ,რომ გურამ შარაძის მკვლელობას პოლიტიკური სარჩული გამოცლოდა და პირადი ინტერესის სახე ჰქონოდა. საბედნიეროდ მამაჩემის ცხოვრებაში არ არსებობდა არავითარი კომპრომატი, რასაც მის საწინააღმდეგოდ გამოიყენებდნენ. ჩემი ძმის ირგვლივ საუკეთესო კანდიდატი იპოვეს და ასე მოხვდა გიორგი ბარათელი საქმეში,რომ საყოფაცხოვრებო ნიადაგზე ჩადენილი მკვლელობა ყოფილიყო.
ეს იყო სამკვდრო-სასიცოცხლო დაპირისპირება, ის ეწინააღმდეგებოდა სააკაშვილს და მის გუნდს, „ბანდას“. პირველივე შეხვედრაზე იცოდა გურამ შარაძემ თუ რა მასშტაბის ავანტიურისტთან ჰქონდა საქმე. მსგავსი ბინძური საქმე არაერთხელ გვინახავს ბოლო წლების განმავლობაში. დღემდე ბევრია დაპირისპირებული მიხეილ სააკაშვილთან, მაგრამ ვინც გარდაიცვალა ყველა თავის სფეროში ავტორიტეტული იყო. თუნდაც ზურაბ ჟვანია, ბადრი პატარკაციშვილი“ , – განაცხადა რუსუდან შარაძემ.
მანანა ღოღობერიძე
