„საკონსტიტუციო სასამართლოს მოსამართლეებმა ეს ნამუშევარი რომ წარადგინონ როგორც სივი, ევროპის არც ერთ ქვეყანაში არ შევრცხვებით და იტყვიან,რომ ყოჩაღ, მოსამართლეები თქვენ ყოფილხართო“ , – მარიხუანას დეკრიმინალიზაციაზე საკონსტიტუციო სასამართლოს გადაწყვეტილების შესახებ „გირჩის“ ერთ-ერთმა ლიდერმა იაგო ხვიჩიამ „ტვ პირველზე“, გადაცემა „რეაქციას“ ეთერში ისაუბრა.
„ნარკოპოლიტიკიდან საბჭოთა კავშირის გამოსვლას ვზეიმობთ. საქართველოშიკონკრეტული ადამიანები ნაკლებად გაიტანჯებიან იმის გამო,რომ რაღაც მცენარე მოიხმარეს. ასევე ვზეიმობთ იმ სიტყვებს,რომელიც წერია სასამართლოს გადაწყვეტილებაში. ადამიანის საკუთრებაა მისი სხეული, თუ ის სხვას არაფერს უშავებს, შეუძლია გაერთოს ან დაისვენოს ისე,როგორც მას სურს, ეს თქვა საკონსტიტუციო სასამართლომ. მეორე მხრივ გადაწყვეტილებამ დატოვა ადგილები,რომ ამ იდეის გაფართოება მოხდეს, ეს არის ერთგვარი დასასრული იმ ბრძოლის,რომელიც დიდი ხანია მიმდინარეობს.
„გირჩი“ აცხადებს მზაობას,რომ აიღოს პასუხისმგებლობა. რამდენიმე თვეში დავინახავთ შედეგებს,რომ უკეთესად ვცხოვრობთ. ჩვენ ვართ პროცესში,სადაც ბევრი ჩასაფრებული ადამიანი არსებობს. თუ არასრულწოვანთან მოხვდება ნარკოტიკული საშუალება,რომლის რაოდენობა ამ ცვლილებების მერე მოიმატებს, ამას ყოველთვის წამოგვაძახებენ, თუ ვინმე საჭესთან ცუდად მოიქცევა, ამასაც წამოგვაძახებენ. სასამართლომ თქვა,რომ ადამიანს აქვს თავისუფალი განვითარების უფება და სიტუაცია შეგვიძლია ნებისმიერ ნარკოტიკულ საშუალებას მოვარგოთ. ადამიანი კანაფს მოიხმარს თუ სხვა ნებისმიერ ნარკოტიკს, ის დამნაშავე ვერ იქნება ვერავითარ შემთხვევაში. ამ პროცესს სჭირდება გაგრძელება რაიმე ფორმით“, – განაცხადა იაგო ხვიჩიამ.
მანანა ღოღობერიძე
