„განსაკუთრებული ჟურნალი და – შეზღუდული არაფერია“. პროექტი ხორციელდება სრულიად საქართველოს კათოლიკოს პატრიარქი, ცხუმ-აფხაზეთისა და ბიჭვინთის მიტროპოლიტი, უწმინდესი და უნეტარესი, ილია მეორის ლოცვა-კურთხევით.
„ჟურნალის სახელწოდება „განსაკუთრებული ჟურნალი“ იქიდან მომდინარეობს, რომ აღნიშნულ ჟურნალს ქმნიან შშმ პირები ანუ შეზღუდული შესაძლებლობების მქონე პირები, რომლებიც, სინამდვილეში, განსაკუთრებული შესაძლებლობების მქონე ადამიანები არიან – ეს აზრი წლების წინ გავაჟღერეთ ჩვენმა გამომცემლობამ, რომელსაც ათასობით მხარამჭერი გაუჩნდა და ე.წ. შშმ პირებისადმი სტიგმა – შშმპ სტიგმა-სტატუსი. შშმ პირი ჩვენი ხედვით კნინობით ფორმაა და ადამიანის უფლებებს ლახავს, ერთგვარ დისკრიმინაციას შეიცავს. რადგან ჩვენ მივიჩნევთ, რომ ისინი, ისევე როგორც ყოველი ჩვენგანი, განსაკუთრებული შესაძლებლობის მქონე ადამიანები არიან. ასე რომ, ჟურნალსაც, შესაბამისი სახელი ვუწოდეთ, რასაც მისი უწმინდესობა და უნეტარესობაც დაეთანხმა, ეს კი ჩვენთვის ბევრს ნიშნავს.
აღნიშნულ ჟურნალში, ამ ეტაპზე უკვე დასაქმებული გვყავს ოცამდე ე.წ. შეზღუდული შესაძლებლობის მქონე ადამიანი – უსინათლოა, ამპუტანტი, ბცდ კატეგორია (ეტლით გადაადგილდება) და ა.შ.. მიუხედავად მათი ასეთი მდგომარეობისა, ისინი თავად დადიან ინტერვიუებზე, თარგმნიან და ამზადებენ სხვადასხვა შინაარსის მასალებს, ეწევიან აქტიურ საზოგადოებრივ და ჟურნალისტურ ცხოვრებას ქვეყნის სასარგებლოდ.
„განსაკუთრებული ჟურნალი“ არის კულტურულ-საზოგადოებრივი და ე.წ. შშმ პირთა ცხოვრების ამსახველი გამოცემა. ვწერთ მათ მრავალფეროვან შემოქმედებით ცხოვრებაზე, მათ შორის – სპორტი და ა.შ..
3 დეკემბერი, როგორც უკვე ზემოთ აღვნიშნეთ, მათი უფლებების დაცვის მსოფლიო დღეა და ჩვენ, როგორც „განსაკუთრებულ ჟურნალს“, რომელიც ე.წ. შშმ პირების დასაქმება, განათლება, უფლებების დაცვაზე და რესოციალიზაციაზეა ორიენტირებული ვალდებულება გვაქვა აღებული, რომ ყოველი დღე მათთვის მცირედი მაინც გავაკეთოთ, განსაკუთრებით კი 3 დეკემბერს, ასე 14 ივნისს და სხვ. აღნიშნული გამოცემის მიზანია საქართველოს ევროპასთან ასოცირების ხელშეკრულებით ნაკისრი ვალდებულების შესრულება და ამ საკითხების პოპულარიზაცია, მხარდაჭერა-რეალიზაცია – მუხლი #349 პუნქტი – დ. ეს ჩვენი რედაქციის პირადი ინიციატივა და პრიორიტეტია, რომელიც უკვე წლებია საერთო სამოქალაქო-საზოგადოებრივ აქტიურობად იქცა. ამ ეტაპზეც კიდევ უფრო მეტი ორგანიზაცია, კონკრეტულად კერძო სტრუქტურა ჩაერთო ღონისძიებაში, მათ შორის სასტუმრო „იოტა“, რომელიც საქართველოში ერთ-ერთი საუკეთესოა შშმ პირთათვის ადაპტირებიითა და მათზე მორგებული კომფორტით. სადიზაინერო სასწავლო ცენტრი „ფეშენ ჰაუსი“, რომელიც ჩვენს მიერ დასაქმებულებთან და სხვა ცნობილ ადამიანებთან ერთად ქმნის 3 დეკემბრისთვის სამოსს, ქართული შტრიხებითა და თანამედროვე სტილით. ასევე ჩვენი პარტნიორები არიან საგანმანათლებლო დაწესებულებები, კერძო სკოლები: „ქართულ-ამერიკული უმაღლესი სკოლა“, „გივი ზალდასტანიშვილის სახელობის ამერიკული აკადემია თბილისში“, სკოლა „ცოდნა“ და მარი ბროსეს სახელობის ფრანგული სკოლა.
აღნიშნულ ღონისძიებაზე წარმოდგენილი იქნება: მოდა, უსინათლო მხატვრის შემოქმედება, ეტლით მოსარგებლეთა ცეკვა, შშმ პირის სამოსის ესკიზი და და გობელენი სხვა მნიშვნელოვანი… ასევე მოხდება შშმ პირთა დასაქმება-რესოციალიზაციის, განათლება და უფლებების დაცვის საკითხებში მოღვაწეთა დაჯილდოვება ექვთიმე ღვთისკაცის (თაყაიშვილის) ღირსების ორდენითა და ზაზა სიხარულიძის პრემიით“ – განაცხადა პროექტისა და „განსაკუთრებული ჟურნალის“ დამფუძნებელმა, ნუგზარ ჭიაბერაშვილმა.
