„საბჭოთა კავშირის დროს ცეკა-ს შემდეგ არასამთავრო გაერთიანება იყო მუს.ფონდი. ამის შემდეგ რაც გვქონდა და გაიყიდა იყო ქაღალდის საწარმო. თანხა კომპოზიტორთა კავშირმა მიიღო, ეს იყო 35-40 ათასი დოლარი. ეს თანხა დაიხარჯა მიწის გადასახადებში“ , კომპოზიტორთა კავშირის ხელმძღვანელობის მიმართ არსებულ ბრალდებებზე და გასხვისებული ქონების შესახებ, კავშირის დირექტორმა გიორგი შავერზაშვილმა „იბერიაზე“, გადაცემაში „ცენზურის გარეშე“ ისაუბრა.
„მე 4 თვეა რაც კავშირს ვხელმძღვანელობ და ეს არ ნიშნავს,რომ მანამ ვიყავი კავშირის წევრი, უბრალოდ მაქვს ინფორმაცია თუ რა ხდებოდა. ჩვენი შემოსავალი არის მაქსიმალური 14 ათასი ლარი ყველა გაქირავებული ფართით. თვეში დაახლოებით 2 ათასი ლარი იხარჯება კომუნალურ გადასახადებში. ჩემი თავმჯდომარეობის დროს 2 ათასი ლარი გადავრიცხეთ სულხან ნასიძის კონცერტისთვის.
კავშირის შემოსავლით დახმარება დამამცირებლად ჩათვალა ზოგმა კომპოზიტორმა, ერთ-ერთი კომპოზიტორი იღებდა 20 ლარს მისი ასაკის გამო, შემდეგ მისმა მეზობელმა მითხრა,რომ ერთ-ერთ ანგარიშზე 25 ათასი აქვს თანხაო. ამიტომ გადავწყვიტეთ,რომ მართლა გაჭირვებულ ადამიანებს დავხმარებოდით.
აპარატურა,რომელიც კავშირმა მიიღო მერიისგან იყო კომპიუტერი თავისი მოწყობილობით, კლავიში და მიკროფონები, თუმცა სტუდია ვერ გაკეთდა. ამ აპარატურის გარდა გვჭირდებოდა დამატებითი თანხები, მომსახურე პერსონალი, დაცვა“ , – განაცხადა გიორგი შავერზაშვილმა.
მანანა ღოღობერიძე
