2018 წლის 1 იანვრიდან მართვის მოწმობის აღების წესი იცვლება. საგამოცდო ბილეთების რაოდენობა შესაძლოა გაიზარდოს. აღსანიშნავია ისიც, რომ მომავალ მძღოლებს პრაქტიკული გამოცდის ჩაბარება ქალაქის გზებზე მოუწევთ.
“ჩემი ინფორმაციით, შესაძლოა გაიზარდოს მართვის მოწმობის ბილეთების რაოდენობაც. მაგალითად, თუ ახლა გამოცდაზე არის 30 ბილეთი, შესაძლოა გახდეს მეტი. რამდენით გაიზრდება, ზუსტი ინფორმაცია არ მაქვს, რადგან, როგორც ვიცი, შინაგან საქმეთა სამინისტროს საბოლოო პროექტი მომზადებული არ აქვს“ – განაცხადა “ეკო ტრანსპორტ ცენტრის” აღმასრულებელმა დირექტორმა, ვასო ურუშაძემ.
მკითხველს შევახსენებთ, რომ მძღოლებს, რომელთაც 100 ქულა ამოეწურათ, მართვის მოწმობის ხელახლა ასაღებად მათ თეორიული და პრაქტიკული გამოცდის ხელმეორედ ჩაბარება მოუწევთ. გადაბარების შემდეგ კი-ქულების კვლავ განულების შემთხვევაში უფრო მკაცრი სანქციები იქნება დაწესებული.
ნინო ზარიძე
