მეცნიერების დასკვნით, ყინულის ფენების დაკარგვა ვულკანებზე წნევის შემცირებას გამოიწვევს და ამის გამო ისინი უფრო გააქტიურდებიან.
ბოლო მონაცემებით, ფილიპინებში ვულკან მაიონის ამოფრქვევის შედეგად 75 ათასი ადამიანის ევაკუაცია გახდა საჭირო. ევაკუაცია არა მხოლოდ გეოგრაფიულად ახლომდებარე სოფლებიდან, არამედ იმ დასახლებებიდანაც განხორციელდა, სადაც ვულკანური ფერფლი აღწევდა. ბოლო 500 წლის განმავლობაში, ვულკანმა 50-ჯერ გაანადგურა ახლოს მდებარე სოფლები.
იაპონიის ჩრდილოეთში კი მიწისქვეშა ბიძგების შედეგად გამოწვეულმა ზვავმა ერთი ადამიანის სიცოცხლე იმსხვერპლა. ამერიკული ჟურნალის „გეოლოგიის“ (https://pubs.geoscienceworld.org/geology) ბოლო კვლევების თანახმად, კლიმატური ცვლილებების შედეგად მომავალში ბევრ ვულკანურ ამოფრქვევას უნდა ველოდოთ.
კვლევის თანახმად,მეცნიერები ამბობენ რომ, ვულკანური ამოფრქვევები დედამიწაზე გააქტიურებული იყო 5,500-4,500 წლის წინ, როცა პლანეტის კლიმატი იმაზე ბევრად მეტად ცივი იყო,ვიდრე დღეს არის. 1979 წლიდან 2006 წლამდე კი ყინულის დნობის ტემპი 30%-თაა გაზრდილი.
დედამიწაზე ამ დროისთვის ყველაზე დიდ ვულკანურ რეგიონად ანტარქტიდა მიიჩნევა. გასულ წელს, კონტინენტზე არსებულ 47 ვულკანს მხოლოდ 1 წლის განმავლობაშ 91-მდე ახალი ვულკანი მიემატა. მეცნიერების თქმით, სირთულეს წარმოადგენს ის,რომ ვულკანების უმეტესობა ყინულის სქელი საფარველის ქვეშაა განლაგებული და ზედაპირზე მხოლოდ მისი წვერო ჩანს.
ანტარქტიდაზე განლაგებული ვულკანების ამოფრქვევას სხვა უარყოფით თვისებებთან ერთა გააჩნია ისიც,რომ ვულკანის ამოფრქვევის შედეგად ყინული დნობას და ზღვის დონე მატებას დაიწყებს. რომელიმე მათგანის ამოფრქვევამ ყინულის საფარის სტაბილურობის დარღვევა შეიძლება გამოიწვიოს, რომელიც უკვე დარღვეულია ისედაც გლობალური დათბობის გამო.
ნათია კეკენაძე
