1 მარტიდან ძალაში შედის ნორმა, რომლის მიხედვითაც, უცხო ქვეყანაში რეგისტრირებული ავტომანქანის საშუალების მფლობელი ვალდებულია დააზღვიოს ავტომობილი საქართველოში სრულად ყოფნის პერიოდში. ამ თემაზე სავალდებულო დაზღვევის ცენტრში გამართულ პრესკონფერენციაზე ისაუბრეს. სავალდებულო დაზღვევის ცენტრი შექმნიალია საქართველიში მოქმედი ყველა სადაზღვევო კომპანიის მიერ.
როგორც დაზღვევის სახელმწიფო ზედამხედველობის სამსახურის უფროსმა კონსტანტინე სულამანიძემ აღნიშნა, სამსახურის მთავარი ამოცანაა ქვეყანაში სადაზღვევო კულტურის ამაღლება, სადაზღევო ბაზრის ზრდა და დაზღვევის სოციალური სიკეთის მომხმარებლამდე მიტანის ხელშეწყობა.
დაზღვვეის შემთხვევაში უცხო ნომრიანი მანქანის მიერი მიყენებულ ზარალს საქართველოს მოქალაქეებს სადაზღვევო ცენტრი აუნაზღაურებს. სავალდებულო დაზღვევის ცენტრის ცხელი ხაზია: 2301111. პაკეტების შეძენა შესაძლებელი იქნება სარფის, წითელი ხიდის, ყაზბეგის და სადახლოს საბაჟო პუნქტებზე.
სადაზღვევო პაკეტები რამდენიმე სახის იქნება. მსუბუქი ავტომობილებისთვის ფასი 30 დან 295 ლარამდე, სატვირთო ავტომობილებისთვის კი დაზღვევის ფასი 75 დან 950 ლარამდე განისაზღვრა. მინიმალური პაკეტი კი 15 დღიან მოქმედების ვადას ითვალისწინებს.
