პრემიერმინისტრი გიორგი კვირიკაშვილი სურამის ფსიქიატრიულ დაწესებულებაში შექმნილ ვითარებას საგანგაშოს უწოდებს, ამის შესახებ გიორგი კვირიკაშვილმა მთავრობის სხდომაზე განაცხადა.
“ბოლო პერიოში გახდა ინფორმაცია ცნობილი, რომ ამ დაწესებულებაში იყო აბსოლუტურად სავალალო მდგომარეობა, სახალხო დამცველის მიერ გამოტანილი ინფორმაცია იყო ჩემთვისაც საგანგაშო, მე მინდა ბატონ დავითს (სეერგენკოს) ვთხოვო, რომ მაქსიმალურად დავინტერესდეთ ამ მიმართულებით დაწესებულებებში მდგომარეობით. ის მიმართულება, რომელიც არის ჩვენთვის საამაყო და ის რეფორმები, რომელიც ჩვენ განვახორციელეთ, ეს არის საყოველთაო ჯანდაცვის რეფორმა, ეს არის გასაფრთხილებელი და განსაკუთრებით იმ დაწესებულებებში, სადაც უმწეო ადამიანები იკურნებიან, არის აუცილებელი სპეციალური გაძლიერებული ყურადღება”, – განაცხადა გიორგი კვირიკაშვილმა, ის მიესალმება დროებითი მმართველის დანიშვნას დაწესებულებაში.
გარდა ამისა, პრემიერის თქმით, ფსიქიატრიული დაწესებულებების აშენება იგეგმება სამეგრელოსა და კახეთში.
