თბილისში სამგზავრო მიკროავტობუსებში ვიდეოკამერების დამონტაჟება გრძელდება. კომპანია “თბილისის მიკროავტობუსმა” მიკროავტობუსებში ვიდეოკამერების დამონტაჟების ახალი ეტაპი დაიწყო.
სხვადასხვა სამარშრუტო ხაზებზე ეტაპობრივად 200 კამერა დამონტაჟდება. ამ დროისთვის ვიდეოკამერა უკვე დამონტაჟებულია 70-მდე მიკროავტობში.
როგორც კომპანიაში აცხადებენ, მიკროავტობუსებში ვიდეოკამერების დამონტაჟების მიზანი მგზავრთა უსაფრთხო უზრუნველყოფა და მგზავრთა რეალური ნაკადის დადგენაა.
მათივე ინფორმაციით, ვიდეოკამერები იმ მიკროავტობუსებში მონტაჟდება, სადაც დასადგენია მგზავრთა რეალური ნაკადი. ნაკადის დადგენის შემდეგ მოხდება მძღოლებისთვის მოსაკრებლების გადასახადის კორექტირება. გარდა ამისა, ვიდეოკამერები საშუალებას მისცემს “თბილისის მიკროავტობუსის” ხელმძღვანელობას, დაადგინოს სხვადასხვა მარშრუტზე რამდენი მიკროავტობუსია დასამატებელი ან პირიქით, თუ მგზავრთა ნაკადი ნაკლებია, შემცირდება მიკროავტობუსების რაოდენობა.
კომაპანიის ცნობით, მიკროავტობუსებში ვიდეოკამერების დამონტაჟება მძღოლებთან შეთანხმებით ხდება.
25.09.13
