ბაზარზე ახალი ქართული პროდუქტი გამოჩნდა სლოგანით „გაფრთიანდი“-კარტოფილის ფრთები „ფრეკოსგან“. კარტოფილის ფრთები დაჭრილ, კანიან კარტოფილს წარმოადგენს, რომელიც ნახევრად შემწვარია, ამასთან შეკმაზულია ნატურალური სუნელებით და შოკურად გაყინულია. როგორც „თბილისი თაიმსთან“ საუბრისას „ფრეკოს“ დამფუძნებელმა ირაკლი ქურდაძემ განაცხადა, კარტოფილის ფრთები უკვე ბაზარზეა და მისი შეძენა ნებისმიერ მსურველს შეუძლია.
„კარტოფილის ფრთები-ეს არის ეგრეთ წოდებული მექსიკური კარტოფილის მსგავსი პროდუქტი, თუმცა მცირე განსხვავებებით. ზომით უფრო მცირეა და ცხარე არ არის. ამიტომ, სახელის არჩევისას, გადავწყვიტეთ, რომ უბრალოდ ყოფილიყო „კარტოფილის ფრთები“. ეს არის ნახევრად შემწვარი, კანიანი კარტოფილი, რომელიც თავის გემოსა და ფერს აძლევს . არის მსუბუქად შეზავებული სანელებლებით და გამზადებულია შესაწვავად.“
რაც შეეხება გაყიდვებს, „კარტოფილის ფრთების“ შეძენა უკვე შესაძლებელია რამდენიმე სუპერპარკეტის ქსელში, როგორიცაა: გუდვილი და ფრესკო. უახლოეს მომავალში დაემატება ნიკორაშიც. რაც შეეხება ფასს, პროდუქციის ღირებულება 4.50 ლარია, ოთხი კაცის პორციას წარმოადგენს და შეფუთულია 750 გრამიან პაკეტებში.
„კარტოფილის ფრთები“ ნატურალურად სუფთა პროდუქტია, არ უკეთდება არანაირი დანამატი, გარდა სანელებლებისა და მცენარეული ზეთისა. მისი მირთმევა უსაფრთხოა ბავშვებისთვისაც. რაც შეეხება სამომავლო გეგმებს, წელს იგეგმება წარმოების გაფართოების პროექტის ჩამოყალიბება. რადგან მოთხოვნა დიდია ჩვენს პროდუქტებზე, გვინდა გავაფართოვოთ როგორც წარმოება, ასევე ნედლეულის მომწოდებელი ფერმერების ბაზაც და დავაკონტრაქტოთ უფრო მეტი.“
შეგახსენებთ, „ფრეკო“ დაარსდა 2016 წელს. რაც შეეხება თავად წარმოების დაწყებას, უშუალოდ პროდუქტის შექმნა დავიწყეთ 2017 წლის იანვარში.თებერვლიდან უკვე ქართულ ბაზარზეა და დიდი მოწონებითაც სარგებლობს.
მარიამ ლეკიაშვილი
