Tbilisi Art Fair – საქართველოში პირველად, თბილისის ხელოვნების ბაზრობა გაიმართება. სამდღიან გამოფენა – გაყიდვაში მსოფლიოს სხვადასხვა ქვეყნის 25-ზე მეტი გალერეა და 35-მდე დამუკიდებელი ხელოვანი მიიღებს მონაწილეობას.
თანამედროვე ხელოვნების ბაზრობა დატვირთული იქნება ლექციებით, მასტერ-კლასებითა და ღია ფორუმებით. Tbilisi Art Fair-ის სპეციალურად მოწვეული სტუმრებისთვის დაგეგმილია სხვადასხვა კულტურული და გასტრონომიული ღონისძიება.
ღონისძიების მიზანია ხელი შეუწყოს საქართველოში და ზოგადად სამხრეთ კავკასიაში თანამედროვე ხელოვნების ბაზრის სტანდარტების შექმნას და განვითარებას.
გამოფენა – გაყიდვა 2018 წლის 17-20 მაისს მოეწყობა. მხარდამჭერები და პარტნიორები არიან: საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაცია, პროექტი Check In Georgia, თბილისის მერია, საქართველოს ეროვნული მუზეუმი და “თი-ბი-სი ბანკი”.
