გაეროს გენერალურ ასამბლეის ტრიბუნაზე სიტყვით გამოსულმა აშშ-ს პრეზიდენტმა ბარაკ ობამამ, სირიაში ქიმიური იარაღის გამოყენებაში ასადის რეჟიმი დაადანაშაულა და დამასკოს მხრიდან აღებული ვალდებულებების შესრულების კონტროლის მიზნით კი სპეციალური რეზოლუციის მიღება მოსთხოვა გაეროს უშიშროების საბჭოს.
ობამამ 340 მილიონი დოლარის ჰუმანიტარული დახმარება აღუთქვა სირიელ ლტოლვილებს და ხაზი გაუსვა რომ, ამერიკის ახლო აღმოსავლური ინტერესების დაცვის მიზნით თუ წარმატებას ვერ მიაღწევენ დიპლომატიური გზებით, მაშინ, საჭიროების შემთხვევაში სამხედრო ძალასაც გამოიყენებენ.
ირანის ბირთვულ პროგრამაზე საუბრისას ობამამ თქვა რომ, ამ ქვეყანას არ მისცემენ ბირთვული იარაღის შექმნის შესაძლებლობას, თუმცა იქვე კმაყოფილება გამოთქვა რუჰანის განცხადებების მიმართ და აღნიშნა რომ, ირან-ამერიკას შორის ორმხრივი ურთიერთობები უნდა დაეფუძნოს ურთიერთპატივისცემას.
ობამამ შეფასება მისცა რა ეგვიპტეში მიმდინარე პროცესებს, არასაკმარისად მიიჩნია ხელისუფლების დემოკრატიული მცდელობები და თქვა რომ, თუ ამ მხრივ უფრო აქტიური და ქმედითი ნაბიჯები გადაიდგმება მაშინ, გააგრძელებენ კაიროსადმი ყველანაირ დახმარებას.
26.09.13
