„ოქროს ფრინველი უკრაინაში – თორნიკე ტურაბელიძემ გაიმარჯვა“

უკრაინა – საქართველოს მეგობარი ქვეყანა და საერთო ღირებულეებით მცხოვრები ორი ერი – ევროპული ღირებულებებით, კულტურთ, შეგნებით და  ცივილური მაღალი მატერიებით, რომლებიც საუკუნეების მანძილზე დაგროვდა კაცობრიობაში, მაღალი მატერიები, რომლისკენაც ნახევარი მსოფლიო მიისწრაფვის!  «Центр «Культурная ცтратегия – ХХI

კულტურული სტრატეგია XXI

ფესტივალი “ოქროს ფრინველი” უკვე მეოთხედ ჩაატარა უკრაინის ერთ-ერთმა პოპულარულმა ცენტრმა _ “კულტურული სტრატეგია XXI”, რომელიც ევროპაში უკვე ბრენდად არის აღიარებული. “კულტურული სტრატეგია XXI” დირექტორი, მარინა ბუშინსკაია გახლავთ, პროფესიონალი დიზაინერი და ევროპული მასშტაბებით ცნობილი და პოპულარული ხელოვანია, რომელსაც საკუთარი ბრენდი აქვს სამოსის, სამკაულებისა და სხვადასხვა აქსესუარებში.

უკრაინა, ქალაქი ვინიცა – აი, აქ მოეწყო შეზღუდული შესაძლებლობების მქონე პირთა სიმღერის საერთაშორისო ფსტივალი, ულამაზესი, თავისი შინაარსითა და ფორმით, რომელიც ყველა მონაწილისათვის და დამსწრესთვის  იქცა ულამაზეს მოგონებად! აღნიშნული ფესტივალი ემსახურებოდა შეზღუდული შესაძლებლობების მქონე პირთა საზოგადოებაში, ამ შემთხვევაში კულტურის განხრით ჩართულობას და რესოციალიზაციას. ფესტივალი და მსგავსი სახის დიდი თუ პატარა ღონისძიებები, რომლებიც შეზღუდული შესაძლებლობების მქონე პირთა რესოციალიზაციაზეა მიმართული, უმნიშვნელოვანესია. ასე, რომ “ოქროს ფრინველი” (“ზალატოი პტახ”) უკვე ბრენდი გახდა და, შესაბამისად, მასში მონაწილეობაც კი საკმარისია იმისთვის, რომ ადამიანმა სიამაყე იგრძნოს.

სიწმინდეები

უკრაინა, ისევე როგორც საქართველო, მართლმადიდებლური ქრისტიანული ქვეყანაა. ჩვენი ფეხის დადგმა უკრაინის მიწაზე იმით გაძლიერდა, რომ გვიმასპინძლა კიევის პეჩორის ლავრამ. კიევის პეჩორის ლავრა ერთ-ერთი ცნობილი და გამორჩეულია იერუსალიმის შემდეგ, როგორც სიწმინდეების მფლობელი. ეს არის იგივე, რაც ჩვენთვის მცხეთა-სვეტიცხოველი, გარეჯი, ბოდბე და ა.შ.. კიევის პეჩორის ლავრა ძალიან დიდ ფართობზეა გაშლილი და შესაბამისად, ამ ერთ მონაკვეთში მეტი სიწმინდეა, მეტი ტაძარია, მეტი სულიერი სიმშვიდეა და  ადამიანი შინაგან სიძლიერესაც გრძნობს ღმერთისგან მომადლებულს…

მეგობრობა-კოლეგიალობა

ვინიცას ფესტივალზე ჩვენი ყოფნა ერთი უკრაინელი, წარმატებული საზოგადო მოღვაწის ძალისხმევით მოხდა, რომელიც უკრაინაში, კიროვოგრადში ცხოვრობს, – ელმირა ნებესნა. ამ ქალბატონთან მეგობრობა მისი თბილისში სტუმრობით დაიწყო ჯერ კიდევ 2010 წელს და ეს ყველაფერი კოლეგიალობა-თანამშრომლობაში გადაიზარდა, მადლობა მას ამ მეგობრობა-თანამშრომლობისთვის!

უკრაინის პირველი ლედი

გრანდიოზული ფესტივალი “ოქროს ფრინველი” უკრაინის პირველი ლედის, უმშვენიერესი მარინა პოროშენკოს პატრონაჟით განხორციელდა და ეს უკვე ტრადიციად იქცა – ოთხი წელია ასე მიმდინარეობს! პირველმა ლედიმ გახსნა ფესტივალი სიტყვით და მრავალი თბილი, მანუგეშებელი და საინტერესო პერსპექტიული საკითხები განიხილა სამომავლოდ, რომელსაც აუცილებლად განახორციელებს, შესაძლებლობების ფარგლებში. გახსნა იმდენად მაღალი დონისა იყო, რომ ამის მოსაყოლად მრავალგვერდიანი მასალის გამოქვეყნებაა საჭირო… გარდა უკრაინის პირველი ლედის ყურადღებისა, რადას რამდენიმე წევრი, ქალაქ ვინიცას მერი, საკრებულოს თავმჯდომარე და რეგიონის გუბერნატორი, მოკლედ, ადგილობრივი მთავრობა სრულად მობილიზებული და ჩართული იყო აღნიშნულ ღონისძიებაში.

მონაწილეები

ფესტივალ “ოქროს ფრივნელში” მონაწილეობა შეეძლიათ 17-23 წლის ახალგაზრდებს. მათ შორის უმცროსი ასაკის მოზარდებსაც, რამაც ფრიად საინტერესო გახადა ფესტივალი. ყველა მონაწილის შერჩევა იმ ქვეყანას ევალება, რომელიც მონაწილეობს ფესტივალში, რაოდენობაც შეუზღუდავია და ესეც ერთგვარი განსაკუთრებულად სწორი დამოკიდებულებაა ხელოვნების მიმართ.

საქართველოს დელეგაცია

ჩვენი დელეგაცია მცირერიცხოვანი იყო, – თორნიკე ტურაბელიძე – ფანდურით მომღერალი, ვიქტორ ქარქიშვილი და ნუცა გიგაური – მოცეკვავე წყვილი, სპეციალური მიწვევით, რაც ერთადერთი შემთხვევა იყო ამ ფესტივალის (სიმღერის) ისტორიაში და მათი ქორეოგრაფი – ია თავაძე. აქვე აღვნიშნავ, რომ ვიქტორ ქარქიშვილი და ნუცა გიგაური გორის მერიამ,   დააფინანსა და ამით დიდი ნაბიჯი გადადგა შშმ პირთა ხელოვნების განვითარების საქმეში და მადლობა გაწეული სამსახურისთვის მერს, კონსტანტინე თავზარაშვილს! ვიქტორისა და ნუცას წარმატებამ უკრაინა აალაპარაკა და მჯერა, რომ მათი შემოქმედება საქართველოშიც და სხვა მრავალ ქვეყანაშიც დაფასდება… დელეგაციას მხარს უმაგრებდა ეტლით მოსარგებლეთათვის დამხმარე-გამყოლი – ლაშა მჭედლიძე და მე, თქვენი მონა-მორჩილი, ამ პატარა, მაგრამ შემდგომ უკვე წარმატებული დელეგაციის ხელმძღვანელი – ნუგზარ ჭიაბერაშვილი.

თორნიკე ტურაბელიძე

ვინაა ეს ახალგაზრდა კაცი?! ეს არის ერთი თბილისელი ბიჭი, რომელსაც ძალიან უყვარს სიმღერა! ეს ნიჭიერი კაცი ტყუპისცალია და ბედნიერია თავისი შემოქმედებით. მას ტყუპისცალის გარდა კიდევ სამი ძმა ჰყავს. მისმა ნიჭმა და განსაკუთრებულმა შესაძლებლობებმა გააოცა ჟიურის შვიდკაციანი შემადგენლობა და აღაფრთოვანა მსმენელი. შესარჩევი ტური სრული უპირატესობით გაიარა და პირველი ადგილი დამსახურებულადაც დაიკავა.

გალაკონცერტი

“ოქროს ფრინველის” გალაკონცერტი დიდებული იყო, რომელიც ვინიცას სახელმწიფო თეატრში შედგა! სრული ანშლაგი, 2500-ზე მეტი ოვაცია-ემოციისგან აღელვებული მაყურებელი… ვამაყობ იმით, რომ გალაკონცერტამდე ამ თეატრში უკრაინულ სპექტაკლს დავესწარი, ვისიამოვნე და დამამახსოვრდა კლასიკური კომედია… ბრავო ვინიცას სახელმწიფო თეატრს, ბრავო! ბისს!!! დავუბრუნდეთ ფესტივალს: როგორც ზემოთ ვთქვი, უკრაინის პირველმა ლედიმ გახსნა ფესტივალი, რასაც მოჰყვა გახსნითი ნაწილი, საკონცერტო ნომრები და უკრაინული ეროვნული ცეკვა, სიმღერა. შემდეგი სვლა უკვე გამარჯვებულთა სიმღერები იყო, რამაც ხელახალი სიამოვნება, სიამაყე და სურვილი აღძრა იმისა, რომ მსგავსი ან უკეთესი შექმნას ადამიანმა.

დაჯილდოება

რთულია ემოციის გადმოცემა იმ დოზით, რაც იქ სუფევდა და ისე, როგორც იქ ღელავდა თავად ემოცია, განსაკუთრებული შემოქმედების გამო… როგორც წესი, დაიწყო გამოცხადება და მესამე ადგილიდან, მეორე ადგილი, პირველი, გრანპრი და ხალხის სიყვარულით გამოშვებულმა ემოციამ ასწლოვანი დრამატული კლასიკური თეატრის დარბაზი ხელმეორედ დაბადა ხელოვნების მსახურად!

თორნიკე ტურაბელიძის გამოცხადებას დიდი, მკვეთრი, გრიალა ტაში მოჰყვა – “გრუზია”! პირველი ადგილი და… თორნიკემ ვერ გააცნობიერა რა მოხდა… დარბაზში ჩემი ლოჟა მივატოვე და ავედი სცენაზე, რათა მიმეღო ემოცია, მიმელოცა თორნიკესთვის ეს დიდი წარმატება სიმღერის საერთაშორისო ფესტივალზე და მეც მიმეღო აპლოდისმენტებით განცდილი სიამოვნება…

პოლონეთი

ჩვენ პირველ ადგილთან ერთად მივიღეთ უფლება ანუ საგზური პოლონეთის შშმ პირთა სიმღერის საერთაშორისო ევროპულ ფესტივალზე! მე და თორნიკე წავალთ ფესტივალზე და იქაც ავაფრიალებთ ქართულ დროშას! მაშ ასე, დაველოდოთ 2018 წლის 24-31 ივლისს და აუცილებლად გამცნობთ ჩვენი გარდაუვალი წარმატების შესახებ…

მადლობა!

მადლობა უკრაინავ, მადლობა ვინიცავ! მადლობა ორგანიზატორებს, მადლობა მხარდამჭერებს, მადლობა მონაწილეებს და მაყურებელს!!!