თბილისში ცხოველთა კვებისთვის განკუთვნილი სპეციალური აპარატები დამონტაჟდება. ამის შესახებ თბილისის მერმა კახა კალაძემ დედაქალაქის მთავრობის სხდომაზე განაცხადა.
ეს ინიციატივა კახა კალაძეს “შენი იდეა ქალაქის მერს” ფარგლებში მოქალაქეებმა შესთავაზეს.
“უკვე 10 იდეა არის შემოსული, რომლის განხილვაც მიმდინარეობს. 2 პროექტზე მინდა მოგახსენოთ, რომლებიც განხორციელდება, ერთი არის ცხოველთა კვებისთვის განკუთვნილი აპარატების დაყენება. მიმდინარე წელს ვგეგმავთ ამ იდეის განხორციელებას და დედაქალაქში რამდენიმე ასეთი აპარატი დამონტაჟდება. ცხოველების კვებაში მეტი მოქალაქე ჩაერთვება და ეს ძალიან კარგია”, – თქვა კახა კალაძემ.
