კვების ობექტებში ანტისანიტარიული მდგომარეობის შესახებ ხშირად საუბრობენ, მაგრამ სიტუაცია თითქმის უცვლელი რჩება. ზაფხულის სეზონზე მდგომარეობა უფრო მწვავდება, მალფუჭებადი პროდუქტით მოწამვლის შემთხვევები ხშირდება. იმის გასარკვევად, თუ და რა დარღვევები გამოვლინდა, ბოლო პერიოდში, საზოგადოებრივი კვების ობიექტებში და, ზოგადად, რა ღონისძიებები ტარდება აღნიშნულ პრობლემათა აღმოსაფხვრელად “თბილისი თაიმის” სურსათის ეროვნულ სააგენტოს დაუკავშირდა.
,,მიმდინარე წლის ხუთი თვის მონაცემებით, 1701 საზოგადოებრივი კვების ობიექტი შევამოწმეთ, მათგან სხვადასხვა შეუსაბამობის გამო, 384 დაჯარიმდა.
საზოგადოებრივი კვების ობიექტების ინსპექტირებისას შემდეგი შეუსაბამობები გამოვლინდა: მავნე სურსათის განთავსება ან უკვე განთავსებულის გამოთხოვის შეუსრულებლობა – ჯარიმა 1000 ლარი; ხორცის რეალიზაცია ვეტერინარული ზედამხედველობის განხორციელების დამადასტურებელი დოკუმენტის გარეშე – ჯარიმა 1000 ლარი; სურსათის მიკვლევადობასთან დაკავშირებული მოთხოვნების შეუსრულებლობა – ჯარიმა 200 ლარი; არაკრიტიკული შეუსაბამობისას გაცემული მითითებების შეუსრულებლობა – ჯარიმა 200-400 ლარი (განმეორებით – 1200 ლარი); კრიტიკული შეუსაბამობების დაფიქსირების გამო საწარმოო პროცესის შეჩერება – ჯარიმა 1000 ლარი; სახელმწიფო კონტროლისთვის ხელის შეშლა – ჯარიმა 400 ლარი; ეტიკეტირების წესის დარღვევა – ჯარიმა 200-400 ლარი; განმეორებით 600 ლარი; ვადაგასული სურსათის რეალიზაცია – ჯარიმა 200-500 ლარი.
სურსათის ეროვნული სააგენტო სახელმწიფო კონტროლს მთელი ქვეყნის მასშტაბით, ყოველდღიურად ახორციელებს“ – განაცხადეს სააგენტოში.
ნინო ზარიძე